Markmiðið með þessu kynningarriti er að gera aðgengilegar á einum stað allar helstu upplýsingar sem nauðsynlegar eru fyrir foreldra (og aðra aðstandendur) fyrst eftir að barn þeirra hefur greinst með Phenylketonuria (PKU).
Í ritinu er m.a. svarað helstu almennum spurningum um PKU. Hvað er PKU og hvað veldur því? Hvernig er PKU greint og í hverju felst meðferð við því? Þá er fjallað um matarræði sem skipar veigamikinn sess í meðferð við PKU, næringarráðgjöf sem og réttindi einstaklinga og/eða foreldra barna með PKU auk ýmissa annarra almennra upplýsinga.
Þó að þær upplýsingar sem eru í ritinu séu fyrst og fremst ætlaðar foreldrum og öðrum aðstandendum nýgreindra barna er þessu riti einnig ætlað að vera almennt kynningarrit um PKU og er það aðgengilegt á pdf formati hér.
