Nú líður að aðalfundinum okkar laugardaginn 22. október nk. Hann verður haldinn í Umhyggjuhúsinu við Háaleitisbraut á efstu hæð. Mjög fáir hafa boðað forföll þannig að við reiknum með að sjá sem flesta. Við byrjum á því að fá okkur saman að borða kl. 12:00. Svo hefst fundurinn svona ca. 13:00. Það sem búið er að ákveða með efni er eftirfarandi:

•  Kolbeinn Guðmundsson læknirinn okkar ætlar að segja okkur frá efni sérfræðiráðstefnu sem hann fór á í vor.

• Ásgeir Henningsson ætlar að segja okkur frá ESPKU aðalfundinum í Póllandi sem hann sækir f.h. félagsins núna í október. Einnig fræðir hann okkur kannski aðeins um starf unga fólksins innan ESPKU sem hann hefur verið að taka þátt í.

• Möguleikar til að komast á Kuvan/BH4 meðferð núna. Sjúkratryggingar hafa verið með þessi mál í skoðun og eitthvað verið að ströggla vegna mikils kostnaðar. Við í stjórn höfum hugsað okkur að eiga fund með Sjúkratryggingum vegna þessa. Greinum frá því á fundinum.

• Þurfum að ræða hvort áhugi sé á að fjölmenna á ESPKU-aðalfundinn í London á næsta ári. Ef áhugi er þurfum við að ákveða eða a.m.k. að ræða hvort og hve mikið félagið á að styrkja félagsmenn til slíkrar farar.

• Á fundinum er stefnt að því að kynna ný drög að matreiðslubókinni, loksins, loksins.

Kv.

f.h. stjórnar

Steingrímur Ægisson

Vildi vekja athygli ykkar allra á Reykjavíkurmaraþoninu sem fer fram þann 20. ágúst nk. PKU-félagið er skráð sem góðgerðarfélag og þegar hafa þrír hlauparar skráð sig til þátttöku. Við viljum endilega hvetja sem flesta til að taka þátt og aðra til að heita á hlaupara og styðja um leið við félagið okkar, sjá hluapastyrkur.is. Nokkrir hlupu á síðasta ári og gekk okkur vel að safna. Reynum endilega að virkja sem flesta með okkur.

Annars stefnum við að því að hafa aðalfundinn í október sem því miður þurfti að fresta í vor. Nánar um það fljótlega.

Enn og aftur vil ég biðja ykkur að láta mig vita ef netföng hafa breyst eða ný bæst við.

Kv.

f.h. stjórnar

Steingrímur Ægisson

PKU félagið á Íslandi styrkir félagsmenn til ráðstefnunnar. Hægt er að hafa samband við stjórn félagsins varðandi styrki.

Þann 22. desember s.l. fékk PKU félagið  200 þús. kr. styrk frá SORPU. Sú hefð hefur skapast hjá SORPU að leggja góðu málefni lið með fjárstyrk í stað þess að senda viðskiptavinum fyrirtækisins jólakort. A þessu sinni ákvað SORPA að styrkja PKU-félagið um 200 þús. kr. og þakkar félagið SORPU kærlega fyrir styrkinn. Styrkurinn mun verða notaður til útgáfumála en á síðasta aðalfundi í október sl. var ákveðið að gefa út matreiðslubók sem hefur verið í vinnslu í nokkurn tíma. Stefnt er að því a stjórn félagsins muni hittast fljótlega á nýju ári og skipuleggja útgáfu bókarinnar.

Aðalfundur PKU-félagsins á Íslandi verður haldinn í húsi Umhyggju á Háaleitisbraut 13 þann 17. október nk. Verðum í fundarsal á 1. hæð. Við ætlum að mæta kl. 11:30. Hádegismatur í boði félagsins (réttir frá veitingastaðnum Á næstu grösum) fyrir fundinn. Reiknum með að byrja fundinn um kl. 12:30.

1. Kolbeinn læknir ætlar að kynna hugmyndir sínar um eftirlit í framtíðinni, m.a. nánari athugun á blóðprufum o.fl.

2. Sjúkratrygging vinnur að endurskoðun á fyrirkomulagi við innflutning og dreifingu á sérfæði og amínósýrublöndu. Stjórn félagsins hefur átt fund með fulltrúum Sjúkratryggingar þar sem við settum fram sjónarmið okkar um að nauðsynlegt væri að tryggja úrval og bestu möguleika á aðgengi sérfæðis. Vildum kynna þetta og ræða nánar.

3. Hefðbundin aðalfundarstörf. Farið yfir ársreikning, atburði ársins, næsta ár, kosning stjórnar o.fl.

Reiknum með að ljúka fundinum um kl. 16:00.

Matreiðslunámskeið

Dóra Svavarsdóttir hefur boðist til að halda annað námskeið fyrir okkur sunnudaginn 18. október kl. 11:00. Það yrði haldið á veitingastaðnum Á næstu grösum í Kringlunni. Borðað yrði í framhaldi um kl. 13:00 þar. Hvetjum sérstaklega alla sem ekki voru á Sólheimum í sumar til að koma. Annars eru allir velkomnir.

Ferðastyrkur að upphæð 20 þús. kr. á fjölskyldu fyrir þá sem búa úti á landi eins og tvö sl. ár.

herbal viagra forums Buy Viagra Online
snorting viagra health

Það er Dóra Svavarsdóttir matreiðslumeistari og einn af eigendum Á næstu grösum (veitingastaðir á Laugarvegi og í Kringlunni) sem mun sjá um námskeiðið. Eins og þið munið stóð til að Beggi og Pacas myndu sjá um dæmið en Gay Pride er einmitt þessa helgi og eru þeir því uppteknir en við vorum svo heppin að fá Dóru til að taka þetta að sér fyrir okkur.
Við myndum viljum óska eftir að þeir sem voru búnir að tilkynna þátttöku láti vita sem fyrst um fjölda frá hverri fjölskyldu, hvenær þið hyggist koma o.þ.h.

Annars vonumst við til að sjá sem flesta.

f.h. stjórnar

Steingrímur Ægisson 

Ég uppgötvaði nýlega Campbell súpurnar ( sem þið eruð kannski löngu búin að uppgötva . Það eru til hinar ýmsu gerðir af þessum súpum s.s Cream of mushroom, Cream of tomato, Cream of asparagus ofrv. Í sveppa súpunni er 1,06 phe í einu grammi af óþynntri súpu (condensed) en 0,56 phe í gr ef þynnt er með vatni. Ég fékk þessar upplýsingar á ameríska póstlistanum. Ég hef ekki svona nákvæmar upplýsingar um hinar súpurnar en í aspasúpunni er 1 gr prótein í 1/2 bolla af óþynntri súpu og 3 gr prótein í 1 bolla af tómatasúpunni. Mér fannst þetta skemmtileg viðbót í PKU fæðið og hægt er að nota þessar súpur á ýmsa vegu s.s. í bökur, heitarétti, pastarétti o.s.frv.

Esther (esther@pku.is)

hún Jóna athugaði í fyrra hvað væri mikið prótein í mjólkurlausu páskaeggjunum frá Freyju ogfékk eftirfarandi upplýsingar:

Hjá Freyju er próteininnihaldið 4 gr í 100 gr af súkkulaði og meðal próteininnihald fyrir sælgætið inni í egginu er einnig um 4 gr í 100 gr, allt sem gelatín.

Ég athugaði hjá Nóa Síríus og er próteininnihaldið í Síríus Konsum súkkulaðipáskaegginu (sem er mjólkurlaust) 3,6 í 100 gr, sælgætið inni í er undanskilið.

Það má geta þess til gamans að mjókurlausa páskaeggið frá Freyju var valið besta páskaeggið á markaðinum af matgæðingum DV. Umsög má sjá á dv.is og í DV í dag.

Esther (esther@pku.is)

ég fann þessa áhugaverðu grein um PKU og ADHD  úr 2008 hefti af  PKU News. Í gegnum tíðina hefur verið umræða um PKU og ADHD því tíðni ADHD (eða einkenna ADHD) virðist vera hærri meðal PKU einstaklinga.

Ein niðurstaðan í greininni virðist vera sú að það sé kannski ekki alltaf einfalt að greina ADHD hjá einstaklingum með  PKU því sum einkenni PKU (s.s einbeitingarskortur vegna háa phe-gilda) eru sameignileg með einkennum ADHD. Þess vegna er nauðsynlegt að útiloka áhrif annarra þátta (eins og PKU) þegar er verið að greina ADHD.

Endilega kíkið á þessa grein. 

ADHD and PKU in PKU News 2008

Esther (esther@pku.is)

Fræðslufundurinn síðasta laugardag tókst mjög vel og voru bæði erindin mjög upplýsandi og skemmtileg og þökkum við Jóni Má og Urði kærlega fyrir. Nú höfum við fengið glærusýningarnar á erindum þeirra til þess að setja hér á síðuna okkar. Þannig að þeir sem ekki gátu mætt síðasta laugardag geta glöggvað sig á erindunum. Nokkrar myndir af fundinum má finna á myndasíðunni.

ESPKU2008-samantekt

Börn með PKU: leiðr til að bæta meðferðarheldni og almenna líðan

Kæru félagsmenn!

PKU-félagið boðar til fræðslufundar þann 31. janúar nk. í húsi Umhyggju að Háaleitisbraut 13. Fundurinn hefst kl. 13:00 og eru fyrirhuguð tvö erindi.

Jón Már Björnsson:

Samantekt frá vísindahluta ESPKU fundarins

Fjallað verður um helstu niðurstöður rannsókna sem sérfræðingar kynntu á vísindahluta aðalfundar ESPKU félaga í Evrópu sem haldinn var á Grand hótel í október sl.

Urður Njarðvík:

Börn með PKU: Leiðir til að bæta meðferðarheldni og almenna líðan

Efni fyrirlestrarins verður PKU frá sjónarhóli barnasálfræðings. Fjallað verður um skilning barna á PKU út frá þroska, ástundun meðferðar og leiðir til að bæta hana og að lokum um kvíða, streitu og almenna líðan barnanna.

Gert er ráð fyrir að hvort erindi taki um 30-40 mínútur og að tími verði fyrir spurningar og umræður. Boðið verður upp á kaffiveitingar á milli erinda.

Stjórn félagsins hvetur alla félagsmenn og fjölskyldur þeirra til að mæta. Einnig viljum við að þessu sinni sérstaklega hvetja aðra aðstandendur, s.s. afa og ömmur, og annað áhugafólk til að koma og hlíða á erindin. Reiknað er með að fundi ljúki um kl. 15:00. Svo endilega að taka daginn frá.

Með kveðju,

Stjórnin

Hér koma uppskriftirnar af SHS matreiðslunámskeiðinu sem var haldið 4. október sl.

Verði ykkur að góðu

aioli         Bruchetta        Desertterta       Fíberbollur     Gróft franskbrauð    

Gulróta og kúrbítsborgari   Indverskur réttur    Kanelbollur     Kartöflupizza    

Pönnukökur     Pasta al Forno    Pizzabollur    Rhode Island hamborgarsósa    

Risotto    Rösti     Smoothie      Stefans lasagna      Primavera terta    Vöfflur

ég hef ásamt bræðrum mínum sett upp til reynslu spjallborð á síðunni okkar þar sem við getum skipst á skoðunum á öllu sem okkur dettur í hug, mat, uppskriftir, phe innihald, réttindi o.s.frv.

Nú hvet ég ykkur öll að skrá ykkur hér að ofan og vera virk á spjallinu:)

kveðja

Esther vefstjóri (esther@pku.is)

Kæru félagar,

PKU-félagið á Íslandi boðar ykkur á aðalfund og evrópuráðstefnu. Í ár er PKU-félagið á Íslandi gestgjafi árlegrar ráðstefnu ESPKU. Ráðstefnan verður haldin á Grand hótel í Reykjavík, 3.- 4. október næstkomandi. Nú þegar er búið að hafa samband við allar íslensku pku-fjölskyldurnar til að athuga með þátttöku á ráðstefnunni og má með sanni segja að þátttakan sé mjög góð. Fæst okkar hafa sótt ráðstefnu ESPKU áður, er þetta því kærkomið tækifæri fyrir okkur til að taka þátt og kynnast því hvernig þessi samtök starfa. Dagskrá ráðstefnunnar má nálgast á með því að smella á auglýsingu ráðstefnunnar í hægra horni síðunnar. Skráningin á ráðstefnuna fer fram á fimmtudeginum frá 16:00-18:00 og laugardagsmorgun frá 8:00 – 9:00. Innifalið í skráningargjaldinu eru hádegsiverðir og kvöldverðir.

Í tengslum við ráðstefnu ESPKU verður haldinn aðalfundur PKU-félagsins á Íslandi. Fundurinn verður laugardaginn 3. október, klukkan 13:30 á Grand hótel. Dagskrá aðalfundar verður með hefðbundnu sniði, en í framhaldi af fundinum er ætlunin að bjóða upp á matreiðslunámskeið á vegum SHS og Icepharma. Danskur fulltrúi frá SHS mun kenna matreiðslu með vörum frá SHS og er áætlað að námskeiðið taki um 3 klst. Unnið er að því að finna hentugt húsnæði fyrir matreiðslunámskeiðið en ljóst er að það verður ekki á Grand hótelinu því þörf er á fullbúnu kennslueldhúsi. Samhliða matreiðslunámskeiðinu er ætlunin að bjóða upp á afþreyingu fyrir börnin. Búið er að leigja fimleikasal hjá Fimleikafélaginu Björk þar sem boðið er upp á klifurvegg, trampolín ofl.. Væntanlega verður fengin rúta til að ferja hópinn en það þótti takast vel í fyrra og skapa góða stemmingu. Sjálfboðaliðar til að fylgja hópnum eru vel þegnir.

Dagskrá laugardagsins að lokinni ráðstefnu er því sem hér segir:

13:30 – 14:15 Aðalfundur PKU-félagsins á Íslandi

14:30 – 17:30 Matreiðslunámskeið SHS

19:30 Kvöldverðarhlaðborð á Grand Hótel

En aftur að aðalfundinum. Fyrirséð er að breyting verður á stjórninni þetta ár. Halldór formaður og Sigurbjörg varamaður gefa ekki kost á sér áfram. Aðrir stjórnarmeðlimir gefa kost á sér til áframhaldandi starfa fyrir félagið. Við þurfum því að fá nýtt blóð í stjórnina og hvetjum því meðlimi til að gefa kost á sér, öðruvísi höldum við ekki félaginu okkar lifandi.

Kveðja,

Stjórn PKU-félagsins á Íslandi

Date: October 3rd-4th (Friday – Saturday)

Location: Grand Hotel, Reykjavík

General informations

E.S.PKU Program 2008 new!

Registration

Esther vefstjóri ( esther@pku.is )

½ laukur
320g ferskar rauðrófur
80g gulrætur
120g hvítkál
2 msk olía eða smjör
1L vatn
1/2 grænmetisteningur (5g) (25) (prótein ca11g/100g t.d. Knorr)
1 lárviðarlauf
2-3 tsk hvítvínsedik
örlítið jurtasalt
50g sýrður rjómi (36%) (50)

Skerið laukinn í bita ásamt hvítkálinu. Rífið gulrótina á rifjjárni. Rífið rauðbeðurnar eða skerið í stafi. Steikið grænmetið létt í olíunni eða smjörinu. Bætið vatninu og teningnum í pottinn ásamt lárviðarlaufinu. Sjóðið í um 30 min (bætið við vatni eftir þörfum). Bætið að lokum hvítvínsediki og jurtasalti útí.

Berið fram með einni góðri tsk af sýrðum rjóma á disk.

Í uppskrift: Ca 75 Phe
Í skammti: Ca 20 Phe

1 msk sítrónusafi eða edik
1 msk vatn
2 msk olía
Örlítið jurtasalt (t.d. Herbamare <¼ tsk)

Til að bragðbæta er hægt að nota:
1 msk dill
eða 1 hvítlauksrif
eða 1 tsk sinnep
eða 1 tsk tómatkraftur
eða 1 tsk dragon eða basilika (þurrkuð krydd)
eða 1 msk steinselja, fersk

Í uppskrift: ca 0 Phe
Í skammti: ca 0 Phe

salattafla.htm

Hægt er að nota góða salatsósu útá salötin öll. Sjá uppskriftir.
Búðu endilega til þínar eigin uppskriftir með aðstoð töflunnar á sama hátt og hér er gert og bættu jafnvel fleiri hráefnum við ef þér finnst eitthvað vanta – hugmyndafluginu eru engin takmörk sett.

Nú þegar skammdegið skellur á okkur er það áminning um að mál sé til komið að halda aðalfund í PKU-félaginu á Íslandi. Það er ekki hægt að segja að stjórnin hafi verið mikið sýnileg frá síðasta aðalfundi þó unnið hafi verið að ýmsum málum. Mesta vinnan framan af fór í samskipti við Tryggingastofnun þegar unnið var að því að fá hækkað þak á niðurgreiðslu sérfæðisins en það mál var loksins í höfn rétt fyrir kosningarnar síðastliðið vor. Annað sem hefur einkennt þetta ár er að okkur hefur borist óvenjumikið af styrkjum. Gjaldkeri félagsins hefur vart haft undan að taka á móti peningum og eru það góðar fréttir fyrir okkur. Vegna þessa hefur fjárhagur félagsins aldrei verið betri.

Í tilefni góðrar fjárhagsstöðu er stjórnin sammála um að gera aðalfundinn nokkuð veglegan (og skemmtilegan) þetta árið, enda ærið tilefni til þar sem PKU-félagið á Íslandi á 15 ára afmæli. Ætlunin er að sameina fræðslu, aðalfund og skemmtun á einum degi. Því viljum við biðja alla um að taka frá laugardaginn 3 nóvember, frá klukkan 10 um morguninn og fram á kvöld.

Semsagt, taka frá laugardaginn 3 nóvember.

Kveðja,
Stjórn PKU-félagsins á Íslandi

Fyrir 4

1 fennikka (eða kínakál)
4 tómatar
1 dl svartar ólífur
1 hvítur salatlaukur
½ búnt steinselja söxuð
safi úr einu lime
½ dl ólífuolía
Nýmalaður svartur pipar

Skerið grænmetið fallega og blandið öllu saman.

Í uppskrift: ca 0 Phe
Í skammti: ca 0 Phe

1 sæt kartafla
1 rauðlaukur
1.5 msk ólífuolía
örlítið salt
svartur pipar
kóríanderfræ
ferskur kóríander

Skerið sætu kartöfluna og rauðlaukinn í fremur stóra bita. Blandið saman í eldfast mót. Setjið olíuna yfir ásamt svarta piparnum, kóríanderfræjum og saltinu. Bakið í ofni í ca 30 min við 180° Saxið ferskan coriander yfir áður en þetta er borið fram. Passar mjög vel með grænmetisbuffi.
Í uppskrift: ca 0 Phe
Í skammti: ca 0 Phe

Langaði bara til að benda á að hægt er að leita uppi ákveðin matvæli eða krydd og uppskriftir sem þeim tileyra með því að slá inn leitarorðið í “search” neðst vinstra megin á síðunni. Það getur til dæmis átt við ef eitthvað matvæli er á síðasta snúningi í ískkápnum eða ef einhvern langar í ákveðið bragð til dæmis engiferbragð eða paprikubragð. Látið endilega vita ef eitthvað bragð vantar og þá finnum við uppskrift með hraði. Við höldum áfram í haust að setja inn uppskriftir smám saman. Ef einhver lumar til dæmis á góðum brauðuppskriftum þá þiggjum við þær með þökkum. Ef þið eigið myndir af því sem þið eldið þá er það ekki verra. Það lífgar verulega uppá. Erum að prófa það núna. Erum einnig að samræma og yfirfara útreikninga.
Gangi ykkur vel að elda. Látum vita þegar eitthvað nýtt kemur inn. Bestu kveðjur úr Eldhúsi Heiðu og Bryndísar.

2 Charlottulaukar (eða 1 venjulegur laukur)
1 hvítlauksgeiri
500g sætar kartöflur
125g gulrætur
2 msk ólífuolía
2 msk ferskt sítrónutímian (eða bara ½-1 tsk þurrkað tímían)
½ L vatn
1/2 grænmetisteningur (5g) (25) (prótein ca11g/100g t.d. Knorr)
150 ml eplasafi

Klipptur graslaukur til að skreyta súpuna með í lokin

Skerið laukinn og hvítlaukinn í litla bita ásamt sætum kartöflum og gulrótum. Steikið laukinn og hvítlaukinn í olíunni þar til hann er gylltur og mjúkur. Bætið í sætu kartöflunum, gulrótunum og tímían. Hrærið í pottinum þannig að allt blandist vel saman í nokkrar mínútur og bætið síðan í vatni, krafti og eplasafa. Látið sjóða við lágan hita í 20-30 mínútur þar til allt er mjúkt. Setjið þá innihalds pottsins í mixara og mixið allt saman, hitið upp á nýjan leik og berið fram á diski með nýklipptum graslauk. Berið fram með próteinskertu brauði og góðu salati.

Í uppskrift: Ca 25 Phe
Í skammti: Ca 5 Phe

3 msk ólífuolía
½ kg laukur (venjulegur eða púrrulaukur)
4 hvítlauksgeirar
3 tómatar
½ tsk sykur
örlítið salt
1,2 L vatn
1 grænmetisteningur (10g) (50) (prótein ca11g/100g t.d. Knorr)
150 ml mysa (30)

Skerið laukinn og hvítlaukinn í litla bita. Takið hýðið af tómötunum og skerið þá líka í litla bita. Steikið laukinn í olíunni þar til hann er gylltur og mjúkur. Bætið í hvítlauk, tómötunum, sykri og salti og sjóðið í 10 mínútur. Bætið í vatni og teningi í ásamt mysu, hækkið hitann og látið sjóða vel langa stund þannig að súpan þykkni eða í a.m.k 30 min. Þynnið súpuna með vatni ef nauðsynlegt er. Berið fram með góðu próteinskertu brauði og góðu salati.

Í uppskrift: Ca 80 Phe
Í skammti: Ca 15 Phe

2 laukar
3 tómatar
½ L vatn
Saffran á hnífsoddi (1/8 tsk)
Örlítið salt
Pipar
2 msk ólífuolía
1 msk smjör
100g hvítkál
150 g gulrætur
150g kúrbítur
150g næpa eða rófa
¼ tsk chilliduft (má sleppa)
25g frosnar grænar baunir (25)
50g litlar rúsínur
Dálítið af ferskum kóríander og/eða steinselju

Skerið allt grænmetið í bita. Setjið í pott ásamt vatni og saffranduftinu, saltið og piprið. Látið suðuna koma upp og bætið þá ólífuolíunni og smjörinu útí ásamt hvítkálinu, gulrótum, squash og hreðkum og chilliduftinu. Sjóðið í 30 mínútúr og bætið þá útí grænum baunum, rúsínum og ferskum kryddjurtum. Bætið í vatni ef þarf. Sjóðið um stund. Berið fram með próteinskertu cous cous.

Í uppskrift: Ca 25 Phe
Í skammti: Ca 5 Phe

PKU-félagið vill jafnframt benda á að fyrir þá sem vilja leggja félaginu lið í gegnum þjónustu Landsbankans að reikningsnúmer félagsins er 0101-26-777152 og kt. 651194-2029. Nánari upplýsingar um þjónustuna er einnig að finna á heimasíðu bankans, www.landsbanki.is.

1 eggaldin
1 tsk matarolía
1 tsk svört sinnepsfræ
1 tsk cumin fræ
50g rauðlaukur, saxaður
1 grænn chili, fræhreinsaður og smátt saxaður (20g) (12)
2 cm ferskt engifer, smátt saxað
40g tómatur, saxaður
¼ tsk garam masala kryddblanda
¼ tsk turmerik
½ tsk salt
ferskt koríander

Stingið gat á eggaldin á nokkrum stöðum og setjið á ofnplötu inn í ofn sem er stilltur á grill. Grillið þar til eggaldinið er mjúkt viðkomu. Takið þá af grillinu og látið kólna. Skerið eggaldinið þá í tvennt og takið kjötið innanúr með skeið. Skerið grænmetið og takið til allt sem á að fara í réttinn. Hitið olíu á pönnu og setjið sinnepsfræin og cumin fræ á pönnuna og ristið. Bætið þá lauk útí og steikið þar til hann er aðeins farinn að taka lit. Bætið útí chili og engifer og hrærið vel saman. Setjið tómata útí ásamt turmerik, garam masala og eggaldinkjötinu og salti. Bætið vatni útí ef þetta verður of þurrt. Stráið fersku koríander yfir réttinn.

Í uppskrift: ca 12 Phe
Í skammti: < 5 Phe

Berið fram með salati og tortilla kökum (sjá uppskrift)

2-3 meðalstórar soðnar kartöflur (ca 200g) (200)
100 gr smjörlíki
1 msk sykur
500 gr próteinsnautt hveiti
4-5 tsk lyftiduft
400ml mysa (80) meira ef þarf
1 tsk egg-replacer
1 msk vatn

Sjóðið kartöflur, afhýðið og stappið þær heitar með gaffli. Blandið smjörlíki og sykri saman við. Blandið saman próteinsnauðu hveiti og lyftidufti og setjið úti ásamt mysu. Blandið saman egg-replacer og vatni og hellið því úti deigið. Best er að hafa deigið sem blautast því þá verða kökurnar mýkri. Fletjið út og notið próteinskert hveiti undir deigið og á kökekeflið ef þarf. Skerið út undan diski (t.d. desert diski) eða skiptið deiginu í parta með kleinuhjóli. Það er ekki gott að hafa kökurnar mjög stórar. Stingið í (pikkið) kökurnar með gaffli eins og við soðkökurnar. Bakið við 130 gráður í ofni og látið kökurnar kólna undir hlemmi.

Í uppskrift: ca 280 Phe
Í köku: ca ?? Phe

Hugmynd: Gott með allskyns áleggi

500 g gulrætur
1/2 dl majones (50g) (Euroshopper majones 0,5g prót/100g) (13)
Örlítið salt
75g hakkaður ananas
3/4 dl rúsínur
1 tsk karrý
1-2 hvítlauksrif

Þvoið gulræturnar eða skrælið ef þess þarf. Skerið gulræturnar í strimla og mýkið aðeins með því að sjóða í örlitla stund. Kælið. Hrærið saman majonesi, salti, ananas, rúsínum, karríi og hvítlauk. Bætið við gulrótunum.

Í uppskrift: ca 13 Phe
Í skammti: ca < 5 Phe

* Hefðbundin majones yfirleitt 2g protein/100g=100 Phe

Hugmynd: Hér má einnig nota góða olíu í staðin fyrir majones sem gefur þá aðeins annað bragð

Karrýhrísgrjón – blandið í grjónin 1/8 tsk af karrý
Hvítlaukshrísgrjón – pressið 1/2 hvítlauksgeira útí
Kardemommuhrísgrjón – blandið 1/8 tsk af kardimommum útí
Engiferhrísgrjón – blandið 1/8 tsk af engiferdufti útí eða merjið ferskt engifer
Ítölsk hrísgrjón – blandið ólífuolíu ásamt örlitlu timjan, rosmarín og basilíku (ekki verra ef eru fersk krydd)

Setjið kryddin strax í pottinn og sjóðið með hrísgrjónunum.

Í uppskrift: Ca 0 Phe

1 eggaldin
1 hvítlauksrif
2 msk góð olía
1 tsk próteinskert “soja”sósa úr grænmetispróteinum (2,5g prótein/100g) (6)
örlítill sykur

Próteinskert pasta

Skerið eggaldinið langsum í tvennt og skerið tíglamunstur djúpt í helmingana til að flýta fyrir elduninni.
Setjið eggaldinið síðan í örbylgjuofn í ca 10 min á hæsta og skinnið látið snúa upp. Skerið hvítlaukinn mjög smátt og setjið í skál ásamt olíunni, sojasósunni og sykrinum. Sjóðið pasta, leggið eggaldin ofaná pastað og hellið sósunni yfir.

Berið fram með góðu salati ofl.

Í uppskrift: ca 5 Phe
Í skammti: < 5 Phe

*ATH hefðbundin sojasósa getur innihaldið allt að 10g prótein /100g (500Phe) en til eru sósur sem innihalda minna. Skoða innihald.

2 msk ólífuolía
½ púrrulaukur
3 vorlaukar
2 stórir hvítlauksgeirar
200g kínakál
60g brokkál/spergilkál (100)
200g hvítkál
50g spínat (100)
250ml vatn (bætið við ef þarf)
örlítið af grænmetisteningi (2 g grænmetiskraftur (prótein ca 11g/100g t.d. Knorr) (10)
½ tsk salt
Ferskur malaður pipar (hvítur, svartur og jafnvel rósapipar)

Skerið niður allan lauk, kál og brokkál/spergilkál í ræmur eða bita. Hitið olíu í stórri steikarpönnu og setjið allar þrjár tegundir af lauk þar í. Steikið þar til laukurinn er orðin mjúkur (ca 4 min). Bætið grænkáli, hvítkáli og brokkáli úti og hrærið í þar til þeir hafa aðeins mýkst. Blandið þá spínati ásamt vatni og kryddi.

Í uppskrift: ca 210 Phe
Í skammti: ca 50 Phe

Þessi breyting ætti að vera til þess fallin að auka möguleika í kaupum á fjölbreyttari matvörum en áður, sérstaklega í ljósi þess að innflutningur frá Bandaríkjunum er vonandi að aukast á næstu misserum.

www.tr.is

55g avocado skorið í litla bita (50)
8 konfekt tómatar skornir í litla bita
½ rauðlaukur sneiðddur
½ appelsína skorin í litla bita (börkurinn og hvíta skinnið tekið alveg af)
¼ búnt saxað kóríander
Safi úr ¼ sítrónu
2 msk ólífuolía
Örlítið salt og svartur pipar

Blandið öllu saman í skál.

Í uppskrift: ca 50 Phe Í skammti: ca 25 Phe

Með réttri meðferð ná börn með PKU fullum þroska og verða að heilbrigðum einstaklingum

Með því að draga úr neyslu á þessari amínósýru er hægt að koma í veg fyrir alvarlegan skaða. Þess vegna verða einstaklingar með PKU að vera á sérfæði. Það sérfæði má aðeins innihalda lítið magn af phenylalanin. Að öðru leyti þarf fæðið að vera næringarríkt til að barnið vaxi og þroskist eðlilega.

Phenylketonuria (PKU) er sjaldgæfur meðfæddur efnaskiptagalli sem kemur í veg fyrir eðlilegt niðurbrot líkamans á próteinríkri fæðu. Flest fæða sem við borðum inniheldur prótein en prótein er samansett úr amínósýrum. Amínósýrurnar eru 18 talsins en 10 af þeim eru lífsnauðsynlegar fyrir börn og 8 fyrir fullorðna. Ein af þessum lífsnauðsynlegu amínósýrum er phenylalanin sem einstaklingur með PKU getur ekki brotið eðlilega niður vegna skorts á ensími í lifur. Án meðferðar hleðst hún upp í líkamanum og veldur alvarlegum heila- og taugaskemmdum.

Með réttri meðferð ná börn með PKU fullum þroska og verða að heilbrigðum einstaklingum

Með því að draga úr neyslu á þessari amínósýru er hægt að koma í veg fyrir alvarlegan skaða. Þess vegna verða einstaklingar með PKU að vera á sérfæði. Það sérfæði má aðeins innihalda lítið magn af phenylalanin. Að öðru leyti þarf fæðið að vera næringarríkt til að barnið vaxi og þroskist eðlilega.

Hvernig fær einstaklingur PKU?

PKU er arfgengur efnaskiptagalli. Báðir foreldrar einstaklings með PKU verða að bera PKU genið. Ef foreldrar eru bæði berar PKU gensins eru 25% líkur á því að ófætt barn þeirra verði með PKU. Ef annað foreldrið er með PKU og hitt er beri eru líkurnar 50% á að ófætt barn þeirra verði með PKU. Talið er að einn af hverjum 50 séu berar PKU gensins.

Hvernig er sjúkdómurinn greindur?

Blóðprufa er tekin úr hæl allara nýfæddra barna til að athuga hvort þau séu með þennan sjúkdóm/galla. Það er yfirleitt gert þegar þau eru um 4-14 daga gömul. Ef blóðprufan er jákvæð eru fleiri sýni tekin til að ganga úr skugga um að barnið sé með phenylketonuria. PKU er ein tegund af mörgum efnaskiptagöllum. Talið er að á Íslandi greinist um 1 barn af hverjum 10.000 fæddum börnum með PKU.

Í hverju felst meðferðin?

Meðferðin felst í því að takmarka neyslu á fæðu sem inniheldur phenylalanin. Mikilvægt er að barnið fái það magn af phenylalanin sem það þolir til að það nái eðlilegum þroska og vexti. Hversu mikið barnið fær af phenylalanin fer eftir blóðprufumn sem teknar eru á eins til fjagra vikna fresti. Mismunandi er hversu mikið magn af phenylalanin einstaklingur þolir, það fer eftir blóðgildum hverju sinni. Getur það verið mismunandi milli einstaklinga og einnig mismunandi hjá sama einstaklingi.

What is phenylketonuria?
Phenylketonuria
Phenylketonuria-wikipedia
pku.com
Gentics Home Reference

70 g próteinsnautt hveiti (Semper)
10 g Husk (8)
1/2 tsk egg replacer (Loprofin)
1/4 tsk salt
3/4 dl (75 ml) heitt vatn (næstum sjóðandi)
3/4 msk olía

Blandið hveiti, husk, egg replacer og salti saman. Bætið olíu og heitu vatni úti og hnoðið deigið þar til það er samfellt. Fletjið það síðan út mjög þunnt þar til að er á stærð við pönnu heimilisins. Bakið á heitri pönnunni og snúið við nokkrum sinnum. Kökurnar eiga að hafa dröfnótt útlit ekki stóra brennda bletti. Hafið matardisk inni í plastpoka á borðinu meðan steikt er og leggið steiktar kökurnar á diskinn með bökunarpappír á milli. Passið að hafa pokann alveg lokaðan þess á milli svo gufan sleppi ekki út. Þetta kemur í veg fyrir að kökurnar harðni.
Í uppskrift: ca 10 Phe

Hugmyndir að fyllingu í eina tortillu:
Milda salsasósu í rönd í miðjuna á tortillunni (<1g/100g) (15g) (6)
Kínakál eða jöklasalat niðurskorið
Gúrkubitar
Tómatbitar
Maís (35g) (50)
Paprika í öllum litum
Púrrulaukur
Grænar ólífur
eða hvað annað grænmeti sem ykkur finnst gott.
Sumir setja svolítið af Picnic kartöflustráum (10g) (35) (100g = ca 350 Phe) eða muldar kartöfluflögur með (<7,5g próten/100g) (100g = ca 350 Phe).

Fylling: ca 90 Phe

Tortillakökunum er svo rúllað upp, brotið uppá endann á þeim og þær borðaðar af bestu lyst.

Frá Erlu: Kristþór og Gísli vilja þetta helst inn í tortillurnar:
Ferskt grænmeti (gúrku, rauða papriku, kínakál, púrrulauk)
Picnic kartöflustrá (35)
Milda salsasósu
Dippas ostasósu 15g (15)
Smá sýrðan rjóma (18%) (15g)(20)

Fylling: ca 75 Phe

Hugmynd: Það er hægt að baka fleiri tortillakökur og frysta. Tvöföld uppskrift er til dæmis þægilegt magn að vinna með. Tortillakökurnar geymast í plastpoka í kæli í 1-2 sólarhringa.
Tortillakökurnar er einnig hægt að nota með indverskum mat svo sem chapati.

1 laukur
1 rauð paprika
2 gulrætur
1/2 lítil rófa
1 lítill biti sellerírót (50g) (19)
5 dl vatn
1/3 teningur fiskikraftur (3g) (20)
½ poki saffran (ca ¼ tsk)
Smá cayennepipar

2 msk rjómi (30g) (35)
Graslaukur

Skerið allt grænmetið niður í litla bita. Látið grænmetið sjóða í kraftinum og kryddunum í 10 mínútur eða þar til grænmeti er farið að linast. Bætið þá rjómanum í og klippið graslaukinn yfir.

Borið fram með grófu próteinskertu brauði og smjöri.

Í uppskrift: ca 99 mg Phe
Í skammti: ca 50 mg Phe

2 msk ólífuolía
2 hvítlauksrif
1 laukur
2 sellerístönglar
1 tsk engiferduft eða 1 msk ferskt rifið engifer (miklu betra)
8 dl vatn
10 g kjúklingakraftur (75) (prótein ca 16g/100g)
400 g gulrætur
1 tsk karrý (Pottagaldra eða annað gott)
1 tsk cumin
1/2 tsk svartur pipar
1 dl döðlur (75g) (38)
1 msk sítrónusafi (ef vill)
60 ml rjómi (75)

Hitið olíuna í potti. Merjið hvítlauk, saxið lauk og sellerí og bætið útí ásamt rifnu engiferi. Hitið í 3-4 mínútur í olíunni og hrærið vel. Svo er talað um að taka pott af hellu og strá hveiti yfir innihaldið, hita í tvær mínutur til viðbótar og hræra vel, en ég setti ekkert hveiti né annað þykkiefni, alveg óþarfi, bara minna vatn)
Hellið nú kjúklingasoði í mjórri bunu út í súpuna og hrærið vel.

Rífið gulræturnar, bætið útí súpuna ásamt karrí, cumindufti og pipar og hleypið upp suðu. Lækkið hitann og látið súpuna malla í tíu mínútur.
Bætið söxuðum döðlum út í og látið malla áfram í fimm mínútur.

Hellið súpunni í matkvörn og maukið. Hellið aftur í pottinn og hitið. Bætið sítrónusafa saman við.

Ausið súpunni á diska og setjið þeyttan rjóma á hvern disk. Búið til mynstur með gaffli.

Í uppskrift: ca 190 mg Phe
Í skammti: ca 45 mg Phe

40g blaðlaukur
2 hvítlauksrif
200g sætar kartöflur
2 msk ólífuolía
250g blómkál
1 l vatn

fersk steinselja
salt
hvítur pipar

Skerið blaðlauk og hvítlauk smátt og sætu kartöflurnar í litla bita. Hitið olíuna í potti og steikið blaðlaukinn, hvítlaukinn og sætu kartöflurnar létt. Bætið útí helmingnum af vatninu og látið suðu koma upp. Setjið blómkálið útí og sjóðið í 10 – 15 mínútur. Mixið súpuna í pottinum með töfrasprota eða hellið súðunni í mixara og mixið þannig að hún verði “slétt”. Setjið súpuna aftur í pottinn og bætið útí afganginum af vatninu og látið suðuna koma upp á nýjan leik. Smakkið til með salti, pipar og ríflega af steinselju.

Í uppskrift: ca 0 mg Phe
Í skammti: ca 0 mg Phe

½ stk gulur laukur
200g kartöflur (200)
2 msk smjör
1 l vatn
200g blómkál
50g brokkál (85)

4 msk sýrður rjómi (18%) (60g) (85)
ferskur kerfill
salt
hvítur pipar

Skerið laukinn smátt og kartöflurnar í bita. Hitið smjörið í potti og steikið kartöflur og lauk létt. Bætið útí helmingnum af vatninu og látið suðu koma upp. Setjið blómkál og brokkál útí og sjóðið í 10 – 15 mínútur. Mixið súpuna í pottinum með töfrasprota eða hellið súpunni í mixara og mixið þannig að hún verði “slétt”.  Setjið súpuna aftur í pottinn og bætið útí afganginum af vatninu og látið suðuna koma upp. Hrærið útí sýrðum rjóma og smakkið til með salti, pipar og kerfli.

Phe í heilli uppskrift: ca 370 mg
Phe í einum skammti: ca 75 mg

7,5 dl vatn
5 dl rauðsaft (til dæmis Ribena sólberjasaft) (50)
50g sagógrjón
2 msk rúsínur

Blandið öllu  saman í pott og sjóðið í 10 mínútur.

Í uppskrift: ca 50 mg Phe
Í skammti: ca 10 mg Phe

1 msk olífuolía
1 meðalstór laukur, skorin í strimla
1 rauð paprika, skorin í strimla
1 græn paprika, skorin í strimla
2 hvítlauksgeirar, kramdir
2 dl vatn
2 dósir niðursoðnir tómatar frá Heinz (411g hvor)
2 dósir tómatkraftur (140g)
2 dl sveppir, skornir í sneiðar
1 dós Aproten ditalini (pasta-dry) (Frá hvaða fyrirtæki?? Magn?)
1 1/2 tsk Italian seasoning
1 tsk fennil fræ

Hitið olíuna í potti. Steikið lauk, paprikur og hvítlauk í olíunni þar til laukurinn er orðin glær. Bætið vatni saman við ásamt tómötunum í dós og tómatkraftinum og blandið vel saman. Þá er sveppunum og pasta bætt útí og súpan krydduð. Hitið að suðu, látið krauma í 10 mínútur og hrærið í annað slagið.

Í uppskrift: ca 0 mg Phe
Í skammti: ca 0 mg Phe

½ gulur laukur
320g rauðrófur (ferskar)
80g gulrætur
120g hvítkál
2 msk smjör
1 l vatn
1 lárviðarlauf
2-3 tsk hvítvínsedik
salt
örlítill hvítur pipar

4 tsk sýrður rjómi (18%) (20g) (30)

Skerið laukinn í litla bita, hvítkálið í stimla og gulrótina í sneiðar. Rífið rauðrófurnar gróft. Setjið smjörið í pott og steikið allt grænmetið létt. Bætið vatninu úti ásamt lárviðarlaufi og sjóðið í 30 mínútur. Smakkið til með hvítvínsediki og salti og pipar.

Í uppskrift:ca 30 Phe
Í skammti: < 10 Phe

400g kartöflur (400)
200g blaðlaukur
2 msk matarolía
1 stk lárviðarlauf
½ tsk þurrkað timjan
1 tsk paprikuduft
1 L vatn
4 msk sýrður rjómi (18%) (60g) (85)
2 msk graslaukur, smátt saxaður

Skerið kartöflur og blaðlauk í skífur. Hitið olíuna í potti og steikið kartöflurnar og blaðlaukin létt. Bætið útí lárviðarlaufi, timjan, paprikdufti og vatni og látið sjóða í 10 – 15 mínútur. Takið lárviðarlaufið úr súpunni. Maukið súpuna með töfrastaf. Setjið að lokum sýrða rjómanum útí og stráið graslauk yfir áður en súpan er borin fram.

Í uppskrift:ca 485 Phe
Í skammti: ca 95 Phe

1 L vatn
1 grænmetisteningur (10g) (50) (prótein ca11g/100g t.d. Knorr)
1 poki frosin kínablanda (500g) (Wok Chineese Findus, 1,5g prótein) (250)
1 msk Amoy soyasósa dark (45)
½ tsk salt
1 tsk aromat
smá pipar

Látið suðuna koma upp á vatninu og setjið grænmetistening út í. Setjið grænmetisblönduna út í sjóðandi vatnið ásamt soyjasósu og kryddi og látið sjóða í 8 mínútur.

Í uppskrift:ca 345 Phe
Í skammti: ca 70 Phe

2 msk olía
½ laukur, brytjaður smátt
2-3 hvítlauksrif, kramin og söxuð
750 ml soðið vatn í potti
1 fiskiteningur (10g) (75) (prótein ca 16g/100g)

Hunts stewed tomatoes (411g)
Niðursoðnar ferskjur (heildarþyngd, ferskjur og safi 420g)

5 msk rjómi (95)
sítrónupipar

Í uppskrift:ca 170 Phe
Í skammti: ca 35 Phe

Hitið olíu á pönnu og steikið lauk og hvítlauk. Síið safann frá ferskjunum og skerið þær smátt. Leysið fiskikraft upp í heitu vatninu og hellið lauknum af pönnunni útí ásamt niðursoðnum tómötum og ferskjum. Hitið að suðu og bætið rjómanum í. Hver diskur er síðan skreyttur með sítrónupipar sem er drussað yfir.

Hugmynd: Berið fram með hvítlauksbrauði og góðu salati.8.4 exchanges)

2 ½ dl vatn
1 dl haframjöl (30g) (230)    ATH þyrfti etv aðeins að minnka. Prófa þannig.
5 ½ dl próteinsnautt hveiti
2 msk sykur
2 tsk kanill
1 tsk negull
1 ½ msk olía
1 ½ tsk þurrger (45)
1 dl rúsínur

Setjið allt í brauðvélina í ofangreindri röð og látið bakast. Eða hrærið öllu saman í skál og setjið í aflangt kökuform og bakið við 200C° í 40 min.

Í uppskrift: ca 275 Phe
Í sneið: ca ?? Phe

Hugmynd: 1 ½ tsk kardimommudropar í stað kanils og neguls

40 g sykur
180 ml volgt vatn
250 g próteinsnautt hveiti
½ tsk salt
1 ½ tsk olía
2 tsk þurrger (60)
2 tsk allrahanda krydd (15)
100 g þurrkaðir ávextir (60)

50 g flórsykur
50 ml vatn

Próteinsnautt hveiti

Flórsykur og vatn í glassúr

Leysið sykurinn upp í volgu vatni. Blandið hveiti, salti og olíu saman og hrærið síðan útí geri, kryddi og þurrkuðum ávöxtum. Blandið saman flórsykri og vatni. Gerið holu í mitt deigið og hrærið blöndunni saman við, lítið í einu. Blandið vel þar til úr verður þykkt og mjúkt deig og hafið ekki áhyggjur þó ykkur finnist deigið of lint. Látið hefa sig í 10 mínútur.

Smyrjið bökunarplötu og setjið örlítið af hveiti á hendurnar. Takið kúfulla matskeið af deiginu og veltið milli handanna  og mótið bollur. Munið að setja hveiti á hendurnar fyrir hverja bollu. Raðið bollunum á smurðu bökunnarplötuna og látið lyfta sér, þar til bollurnar hafa tvöfaldað stærð sína. Klippið kross með skærum  í bollurnar og bakið við 220C° í ca. 25 mínútur eða þar til bollurnar eru brúnar. Búið til glassúr með því að setja flórsykur og vatn á pönnu og sjóðið þar til þetat þykknar dálítið. Penslið bollurnar með bráðinni um leið og þær eru teknar úr ofninum
Látið kólna á grind

Í uppskrift: ca 135 Phe
Í bollu: ca 17  Phe

2 dl próteinsnauð mjólk (PKU-drink) (25)
½  pk þurrger (75)
1 tsk sykur
¼ tsk salt
½ dl olía
315g próteinsnautt hveiti
½ tsk kardimommur

Hitið mjólkina í 37°C og leysið upp ger og sykur. Blandið öðrum hráefnum útí og hnoðið vel saman með deigkrók í hrærivél eða í höndunum. Látið deigið hefa sig  í 30 mínútur. Hnoðið deigið á ný, formið í lengju og skiptið henni í 12 eða 16 bita. Formið bollur og látið hefa sig á ný í 40 mínútur undir viskustykki. Bakið við 200°C í 10 til 15 mínútur.

Í uppskrift: ca 100 Phe
Í bollu: ca 7 Phe

2 dl vatn 37°C
1 ½ tsk þurrger (45)
½ tsk salt
½ tsk kardimommudropar
2 msk matarolía
4-5 dl próteinsnautt hveiti
½ dl rúsínur

Leysið gerið upp í ylvolgu vatninu. Bætið salti og kardimommudropa útí og hrærið saman. Blandið síðan olíu, hveiti og rúsínum út og hnoðið í samfellt deig. Mótið úr deiginu sjö bollur og setjið eina bolluna á miðja bökunarplötu og raðið svo hinum sex í kringum hana. Látið lyfta sér í 15 mín.  Bakið við 200°C  í 15-20 mínútur.

Hugmynd: Það er einnig hægt að baka 7 bollur úr þessu deigi.
Rúsínunum má skipta út fyrir aðra þurrkaða ávexti.

Í uppskrift: 45 Phe
Í bollu: 7 Phe

1 bréf ger (11g) (155)
1 tsk sykur
1 dl vatn

250 gr af próteinskert hveiti
1 tsk lyftiduft
50 gr sykur

2 dl fersk ber, t.d. bláber, rifsber og fl.

100 gr próteinskert hveiti
1 tsk vanillusykri
100 gr flórsykri
100 gr smjöri

Blandið saman ger, sykri og vatni  og látið standa í 15 mínútur. Bætið lyftidufti, sykri og próteinskertu hveiti útí þar til deigið er mjúkt. Látið deigið hefast í 30 mínútur. Fletjið út degið í kringlótt kökuform. Setjið fersk ber ofan á deigið, t.d. bláber, rifsber og fl.

Blandið því næst saman próteinskertu hveiti, vanillusykri, flórsykri og smjöri. Stráið deiginu yfir berin. Bakið kökuna í 20 – 30 mínútur, neðst í ofninum, við 150°C – 175°C.

Í uppskrift: ca  Phe
Í 1/8 af brauðinu: ca ?? Phe

1 pk þurrger (11g) (155)
½  tsk sykur
4 ½ dl volgt vatn (37°C).
4 msk púðursykur
2 tsk kanill
10 dl próteinsnautt hveiti
1 tsk salt
2 msk sykur
4 dropar gulur matarlitur (má sleppa)

Leysið gerið upp í volga vökvanum ásamt sykri. Blandið saman púðursykri og kanil og geymið. Blandið hveiti, salti, sykri og matarlit út í gerblönduna í hrærivél og hrærið á miðjum hraða í ca. ½ til 1 mínútu. Deigið á ekki að klessast en má heldur ekki verða of þurrt. Ef það gerist  bætið þá 1-4 msk af vatni út í.

Setjið eina kúfulla matskeið af deigi í hvert muffinsform og dreifið 1 tsk. af kanilpúðursykri yfir hvert muffinsform. Setjið svo annað eins af deigi ofan á og dreifið restinni af kanilsykrinum yfir.

Látið lyfta sér í 30 mínútur eða þar til deigið er komið aðeins upp úr forminu. Bakið við 220C° í ca 15 mínútur eða þar til muffinsin eru ljósbrún. Kælið á grind    .

Í uppskrift: ca 140 Phe
Í hverri múffu: ca ?? Phe

150 g smjörlíki eða 1 ¾ dl olía
5 dl PKU-drink (passlega volg, 37°C) (65)
1 bréf þurrger (11g) (155)
1 tsk salt
1 ½  dl sykur
900 g próteinsnautt hveiti

100g smjör
½  dl sykur
4 msk kanil

50 g smjör
¼ dl púðursykur
2 msk síróp
1 msk vatn

Bræðið smjörlíkið. Hitið mjólkina í 37°C og leysið gerið upp í mjólkinni. Hrærið salti og sykri útí ásamt rúmlega helmingnum af hveitinu og smjörlíki. Hnoðið saman og látið hefast í 30-40 mín. Hnoðið síðan afgangnum af hveitinu saman við deigið annaðhvort í vél eða höndunum og fletjið deigið út í ca 1 cm þykkt.

Bræðið saman smjör, sykur og kanil en passið að hita ekki of mikið. Smyrjið ofaná deigið og rúllið því upp í svera rúllu. Skerið niður í ca 20 snúða. Raðið snúðunum á bökunarplötu með smjörpappír undir og látið hefast í 30 mín undir viskustykki. Hitið bakaraofn í 220°C og bakið snúðana neðst í ofninum í um það bil 10 mínútur.

Bræðið á meðan saman smjör, púðursykur, síróp og vatn. Takið snúðana út eftir 10 mín bakstur og setjið bræðinginn ofaná hvern snúð. Bakið þvínæst áfram í 10 mín. Passið vel uppá að sykurinn brenni ekki.

Í uppskrift: ca 220 Phe
Í hverjum snúð: ca 10 Phe

Hugmynd: Hægt að sleppa því alveg að setja eitthvað ofaná snúðana eða jafnvel setja glassúr ofaná þá þegar þeir hafa kólnað. Til tilbreytingar má einnig nota annað en kanil svo sem kardimommuduft, negul eða engiferduft inní snúðana ásamt smjöri og sykri. Snúða er gott að frysta.

?? stk

4 msk olía
½ dl síróp
½ dl sykur
½ dl vatn
1 tsk engifer
2 tsk kanill
½ til 1 tsk negull
½ tsk kardimommur
½ tsk natron
4 dl próteinsnautt hveiti

Hrærið saman olíu, sykri og sírópi. Blandið síðan vatni útí og síðan kryddi og próteinsnauðu hveiti. Hnoðið deigið saman og fletjið út eins þunnt og þið getið. Stingið út með piparkökumótum allavega fígúrur. Raðið á bökunarpappír á plötu og bakið við 225 C í 5 mínútur.

Hugmynd: Kökurnar er hægt að skreyta með glassúr í allavega litum. Glassúr er hægt að gera með að hræra saman flórsykri og smá vatni (ásamt matarlit ef vill) þar til þér finnst þægilegt að bera hann á kökurnar. Einnig fæst nú flórsykur í ýmsum litum sem er einnig með bragði og einungis þarf að setja sma vatn útí.

2 bollar próteinsnautt hveiti
60 g smjörlíki
1/2 bolli sykur
1/2 bolli síróp
1 tsk egg-replacer
2 tsk vatn
1 tsk natron
1/2 tsk engifer

Smjörkrem:
60 g smjörlíki (hefðbundið próteinsnautt)
60 g flórsykur
1/2 tsk egg-replacer
smá vatn

Setjið allt sem fara á í kökurnar saman í hrærivélaskál og hnoðið saman í hrærivélinni. Fletjið þvínæst deigið út þunnt og stingið út kökur til dæmis með piparkökumóti með fallegu formi eða undan glasi af hentugri stærð. Bakið við 180 gráður í um það bil 10 mínútur eða þar til kökurnar eru ljósbrúnar. Hrærið vel saman öllu sem á að fara í kremið. Látið kökurnar kólna. Leggið kökurnar síðan saman með smjörkremi tvær og tvær.

Hugmynd: það er hægt að lita kremið með rauðum, grænum eða gulum matarlit ef vill.

?? stk

2 bollar próteinsnautt hveiti
125 g smjörlíki
1 bolli sykur
1/4 bolli síróp
1/4 tsk natron
1 tsk kanill
1 tsk engifer
1 tsk negull
1 tsk egg replacer
2 tsk vatn

Blandið saman öllu sem á að fara í kökurnar og hnoðið saman í samfellt deig. Búið til litlar kúlur og þrýstið þeim á plötu. Bakið við 180°C í ca 15 mín í blástursofni.

Í uppskrift ca 0 mg Phe.
Í skammti ca 0 mg Phe.

1 stk gul paprika

2 msk olía (virgin)

2 stk tómatar

50g avókadó (45)

1 stk lime, safi

¼ búnt ferskt kóríander eða annað gott ferskt krydd

salt og svartur pipar

Skerið paprikurnar í geira raðið þeim í ofnfast form og bakið við 200­°C í um það bil 10 mínútur. Kreystið safann úr lime ávextinum. Afhýðið avókado og skerið í sneiðar. Skerið tómata í báta. Blandið öllu saman. Þetta salat er gott að nota með mat en er einnig frábært ofaná brauð.

Í uppskrift: Ca 45 Phe

Í skammti: Ca 10 Phe

Berið pizzu ávallt fram með góðu salati ásamt dressingu.

Pizzuafganga má auðveldlega skera í hæfilega stórar sneiðar, pakka í plastpoka og frysta. Þeir geymast yfirleitt ágætlega.

Pizza er ekki bara pizza, það má leika sér með form og útlit á pizzum, gera brosandi andlit eða margar litlar pizzur sem henta í nesti eða hálfmána.

Yfirlitið hér að neðan er hægt að nota til að velja álegg á pizzur, muna eftir einni góðri og til að finna nýjar og spennandi samsetningar. Endilega bætið við listann í báðar áttir 

Áleggstegund                 Pizza 1     Pizza 2     Pizza 3     Pizza 4     Pizza 5     Pizza 6     Pizza 7     Pizza 8     Pizza 9
Laukur                                 X                 X
Púrrulaukur
Hvítlaukur
Rauðlaukur

Kartöflur(50g=50Phe)
Rófur (fínt rifnar)
Sætar kartöflur
Gulrætur (fínt rifnar)                             X
Sveppir                                  X                X

Rauð paprika                         X                 X             X
Appelsínugul paprika
Gul paprika
Græn paprika X
Rautt chilli (smátt saxað)                     X
Grænt chilli (smátt saxað)

Tómatar                                                                                     X
Eggaldin                                                 X
Blómkál í litlum bitum
Spergilkál í litlum bitum (30g=50Phe)                                 X
Ananas                                          X         X
Epli
Bananar
Maískorn (35g=50 Phe) X
Ólífur, t.d. smátt hakkaðar X
Sólþurrkaðir tómatar (10g=15Phe) X
Hvítlaukskrydd
Pizzakrydd
Oregano X X
Basilika (fersk eða þurrkuð)
Steinselja (fersk eða þurrkuð)
Karrí (smá)
Paprikuduft (smá)

Phe
ATH. Allar skammtastærðir (Phe) í töflunni miða við einn skammt þ.e. pizzubrauð sem er ¼ af bökunarplötu (15) og ca 100g af sósu (5) = 20 Phe+áleggið

Smyrjið botninn með pizzusósu og þekið með grænmeti að eigin vali og kryddið að vild. Penslið matarolíu létt yfir áleggið og bakið við 225°C í ca. 20 mínútur. NB gengur það eða breyta hita eða tíma eftir áleggi?

Fyrir 4

Pizzabotn (ein bökunarplata) (65) (sjá bls 2)
200g bökunarkartöflur (200)
4 geirar hvítlaukur
6 msk ólífuolía
4 tsk sítrónusafi
60g blaðlaukur
salt og pipar

Útbúið pizzabotninn. Afhýðið hrár kartöflurnar (etv meðan botinn hefar sig) og sneiðið þær í mjög þunnar sneiðar. Setjið í sigti og skolið úr köldu vatni. Þerrið kartöflurnar. Skerið blaðlaukinn í þunnar sneiðar. Pressið hvítlauksgeirann í olíuna og penslið pizzabotninn. Raðið kartöflusneiðunum yfir og penslið aftur með hvítlauksolíu. Dreifið sítrónusafanum yfir og stráið að lokum blaðlauknum efst.

Bakið í ofni við 225°C í 15-20 mín eða þar til skorpan er orðin gullinbrún. Eftir bakstur er gott að pensla aftur yfir allt með hvítlauksolíunni.

Í uppskrift: ca 265 Phe
Í skammti: ca 65 Phe

Pizzabotn (á ¼ af bökunarplötu) (15) (sjá bls 2)
1 sk. pizzasósa (6) (sjá bls 3)
60g eggaldin, í sneiðum
4 stk sveppir, í sneiðum
20 g blaðlaukur, smátt skorinn
4 msk fersk basilíka
salt og pipar

Skerið eggaldin í sneiðar, saltið og látið bíða um stund. Þerrið vökva og salt af. Smyrjið sósunni á pizzabotninn og dreifið, eggaldinsneiðum, sveppum, blaðlauk og basilíku yfir. Stráið yfir örlitlu salti og grófum svörtum pipar.
Bakið í ofni við 225°C í 15-20 mín.

Í uppskrift: Ca 20 Phe

60g laukur
2 msk olía
1 dós niðursoðnir tómatar (<1g prótein/100g)
4 geirar hvítlaukur, pressaður
2 msk tómatmauk (30g)
2 tsk basilíka
2 tsk mejram
2 tsk timjan
1/1 tsk salt
smá pipar

Hakkið laukinn smátt. Hitið olíuna í potti og steikið laukinn í olíunni. Blandið öllu öðru sem á að fara í sósuna útí. Látið sjóða í 25 mínútur.

Hugmynd: Þessi sósa er líka góð sem pastasósa eða með steiktum kartöflum.

Í uppskrift: Ca 0 Phe
Í skammti: Ca 0 Phe

Hugmynd: Einnig er hægt að nota eina dós af Hunts – Seasoned tomato sauce for pizza (400g) (1g prótein/100g) – á eina bökunarplötu (4 sneiðar)

Fyrir 4

500g próteinskert hveiti
2 tsk þurrger (60)
1 tsk hvítlaukssalt
1 tsk pizzakrydd frá Pottagöldrum
1 mæliskeið Husk (5g) (4)
4 dl volgt vatn
3 msk matarolía

Öllu þurrefni er blandað saman. Síðan er olíu og vökva bætt útí og degið hrært og hefað í brauðvélinni. Að því loknu er degið sett á bökunarplötu sem er klædd með smjörpappír og smurt jafnt á plötuna með spaða og etv penslað með olíu eða hvítlauksolíu yfir degið.

Bakið við 220°C í blástursofni í ca 10-15 min. Passið að botninn brenni ekki.

Í uppskrift: Ca 65 Phe
Í skammti: Ca 15 Phe

4 dl flórsykur (240g)
1 dl vatn
¼ tsk edik
6 piparmyntudropar

Sjóðið sykur, vatn og edik í um það bil 10 mínútur eða þar til það hefur þykkað og myndar þræði. Hellið í djúpan disk og látið kólna. Setjið piparmyntudropana útí og hrærið þar til massinn verður einskonar þykkt deig. Formið litla mola og látið kólna.

Í hverjum mola: ca 0 Phe

Hugmynd: Formið molana á mismunandi hátt. Einnig er hægt að lita þá með matarlit.

225 g flórsykur
30 g kakó (24g prótein (790 Phe)/100g) (240)
250 g palmínfeiti
1-2 tsk vanilludropar
50 g rúsínur
1 pk (375 gr) Loprofin Schoko Flakes eða Loprofin Breakfast Cereal Loops

Setjið florsykur og kakó í skál. Hitið feitina og hellið henni yfir. Blandið öllu saman ásamt vanilludropum. Hrærið rúsínur og morgunkorni varlega saman við. Setjið  í muffinsform og kælið.

Í uppskrift: ca 240 Phe
Í mola: ca ?? Phe

Hugmynd: Gott að frysta.

25 g smjör
2 ½ msk síróp
50 g Duobar (SHS)
50 g Rice Krispies (150)

Bræðið saman smjör, síróp og Duobar og látið kólna aðeins. Hrærið Rice Krispies út í og skiptið í 10 muffinsform. Kælið.

Í uppskrift: ca 150 Phe
Í köku: ca 15 Phe

½ tsk natron
1dl vatn (rúmlega)
1 dl sykur (rúmlega)
1dl rúsínur (rúmlega)
1/8 tsk múskat
¼ tsk negull
½ tsk kanill
3 msk smjörlíki
2,5 dl próteinsnautt hveiti
½ tsk lyftiduft
1/8 tsk salt

Leysið upp natron í smá vatni og geymið. Sjóðið sykur, restina af vatninu, rúsínur, krydd og smjörlíki á pönnu í 3 mínútur og kælið. Blandið hveiti, natroni, lyftidufti og salti út í og blandið vel saman. Hellið í smurt form eða skiptið deiginu í 12 muffinsform. Bakið í 20 mínútur við 180C° eða þar til kakan eða muffinsið er bakað.

Í uppskrift: ca 0 Phe
Í muffins: ca 0 Phe

125 g smjörlíki
½ dl sykur
1 tsk salt
1 tsk lyftiduft
3 ½ dl próteinsnautt hveiti
2 bananar, stappaðir (360g)

Bræðið smjörlíkið og hrærið saman við sykurinn. Blandið saman þurrefnum. Afhýðið og stappið bananana. Hrærið öllu saman svo úr verði þykkt deig. Setjið í 12 muffinsform og bakið við 180C° í 10 – 15 mínútur eða þar til muffinsin eru ljósbrún.

Í uppskrift: ca 0 Phe
Í muffins: ca 0 Phe

250 g próteinsnautt hveiti
½ tsk lyftiduft
½ tsk matarsódi
½ tsk Kanill
½ tsk vanilludropar
50 g matarolía
100 ml vatn
80 g sykur
2 tsk. egg replacer
25 g rúsínur
1 banani, stappaður (180g)

Afhýðið og stappið bananann með gaffli og blandið saman öllu sem á að fara í uppskriftina og hrærið saman í hrærivél. Skiptið deiginu í 12 muffinsform og bakið við 180C° í ca. 15 mínútur.

Í uppskrift: ca 0 Phe
Í muffins: ca 0 Phe

150 g smjörlíki
100 g sykur
1 dl þunnt kaffi
3 1/4 dl (185 gr) próteinlaust hveiti
2 tsk lyftiduft
10 g O´boy eða Nesquick (25)

Súkkulaðikaffikrem:
100 g smjör
50 g flórsykur
1 – 2 tsk. vanillusykur
11 gr. O´boy eða Nesquick (25)
1 msk Kaffi (uppáhellt)

Smjörlíki og sykur er hrært vel saman. Hrærið kaffi, hveiti, lyftiduft og kakó saman við. Setjið í muffinsform og bakið við 200°C í 10 – 12 mínútur. (Einnig er hægt að baka kökuna í einu formi við 175°C í 30 – 40 mín).

Krem: Smjörlíki og flórsykur er hrært saman, bætið fyrst vanillusykri og kakói útí og síðan kaffinu. Smyrjið á muffinsin eftir að þau hafa kólnað.

Í uppskrift: ca 50 Phe
Í muffins: ca ?? Phe

225 g próteinsnautt hveiti
110 g smjörlíki
110 g sykur
1 tsk lyftiduft
2 tsk egg replacer
150 ml vatn
1 tsk vanilludropar
10 g kakó (24g prótein (790 Phe)/100g) (80)
1 msk síróp
4 tsk súkkulaðiessens

Hrærið allt saman í hrærivél í 2 mínútur. Setjið í 14 muffinsform og bakið við 200C° í 10-15 mínútur.

Í uppskrift: ca 80 Phe
Í muffins: ca 5 Phe

Hugmynd: Á þessi muffins getur verið gott að setja krem (sjá súkkulaðikaffimuffins).

Fyrir ??

100g Promin cous cous
2 meðalstórir tómatar
3 vorlaukar (eða púrra)
1,5 msk sítrónusafi
11 msk ólífuolía (virgin)
2 msk klippt steinselja
1 msk klippt mynta
Ferskmalaður svartur pipar og örlítið salt

Sjóðið cous-cousið í 5 mínútur. Takið það af hitanum, setjið í sigti og látið renna á það kallt vatn þar til það það er ekki lengur heitt. Skerið niður tómatana og vorlaukana (smátt) og blandið því saman við cous-cousið ásamt öðrum hráefnum í salatið.

Í uppskrift: Ca 0 Phe
Í skammti: Ca 0 Phe

Brauðteningar í salat og súpur

Skerið tvær próteinskertar brauðsneiðar í teninga og steikið bitana í olíu þar til þeir eru gullinbrúnir. Þær endast í nokkra daga í ískáp í lofftæmdum umbúðum og enn lengur í frosti. Þeir eru góðir með bæði súpum og salötum.

Í uppskrift:  <10 Phe

120g sveppir
1 msk olía
1 hvítlauksrif
4 cm púrrulaukur

Sneiðið niður sveppina, dýfið þeim í sjóðandi vatn og leyfið suðunni að koma upp aftur (blanche). Veiðið þá sveppina uppúr vatninu og látið vatnið síga af þeim. Brytjið hvítlauk smátt og sneiðið niður púrrulaukinn. Hitið olíu á pönnu og steikið fyrst hvítlaukinn, bætið svo púrrulauk útí og að lokum sveppunum.

Í uppskrift: ca 0 Phe
Í skammti: ca 0 Phe

Eitt selleribúnt
Engiferrót (ca 2 cm), sneidd og söxuð smátt
2 msk olía
2-3 rauð piparkorn
1/2 tsk salt
smá niðurskorinn púrrulauk eða vorlauk í restina
1/2  tsk sykur

Þvoið sellerístönglana og hreinsið ef á þeim eru blettir. Skerið stönglana í tvennt þversum. Sjóðið fullan pott af vatni og látið sellerí stönglana í pottinn smá stund (blanch) þar til þeir breyta um lit (verða grænni). Snöggkælið síðan selleríið undir köldu vatni. Skerið svo hvern stöng langsum, hver biti á ekki að vera þykkari en grannur litlifingur. Skáskerið síðan stönglana í tommulanga (ca 2,5cm) bita. Geymið í vatni ef bið er á eldun. Steikið engiferrótina í olíunni (gjarnan á wok pönnu) og bætið piparkornum ásamt salti. Hitið vel og bætið síðan selleríinu útí ásamt púrrulauk eða vorlauk og steikið á pönnunni um stund eða þar til selleríið er vel heitt en þó enn stökkt. Sykrinum er bætt í undir lokin.

Í uppskrift: ca 0 Phe
Í skammti: ca 0 Phe

Hugmynd: Einnig má steikja allskyns grænmeti uppúr sama kryddi t.d kartöflur, kúrbít, kínakál, hvítkál og gulrætur.

Allt grænmetið hér á eftir er á græna listanum = ca 0 mg Phe.

Paprika
Fyrir 4

1 gul paprika
1 rauð paprika
Skerið paprikuna í tvennt og takið kjarna og hvíta himnu innan úr. Grillið með hýðið á grindinni í um það bil 15 min eða þar til hýðið er byrjað að brúnast.

Zúkkíní  (kúrbítur)
Fyrir 4

1 zúkkíní / kúrbítur
örlítið salt og grófur svartur pipar

Skerið grænmetið í sneiðar eftir endilöngu og grillið í um það bil 15 min á báðum hliðum. Saltið og piprið.

Tómatar
Fyrir 4

2 tómatar
örlítið salt,  grófur svartur pipar og basilika.
Skerið í helminga og grillið í um það bil 15 min á báðum hliðum. Saltið ef vill, piprið og kryddið jafnvel með smá basiliku.

Eggaldin
Fyrir 4

1 eggaldin
olía
örlítið salt og grófur svartur pipar

Skerið í sneiðar eftir endilöngu og saltið létt og látið standa í 5 mín. Þerrið saltið af með pappír,  penslið með olíu  og grillið í um það bil 15 min á báðum hliðum. Saltið og piprið.

Rófa eða rauðrófa
Fyrir 4

1 lítil rófa eða rauðrófa, 200g
Örlítið salt og grófur svartur pipar
Þvoið rófuna vandlega og skerið í geira. Grillið í um það bil 30 mín á báðum hliðum  ekki alveg á miðju grillinu þar sem hitinn er mestur heldur frekar til hliðanna.
Saltið og piprið.

Fennika
Fyrir 4

2 stk fennika / fennkál
olía
Salt og grófur svartur pipar
Skerið fennkálið í tvo hluta, penslið með olíu og setjið á grillið og grillið í um það bil 10 mínútur eða þar til fennkálið er mýkra viðkomu.  Saltið og piprið.

1 brauðsneið (hefðbundið próteinskert brauð)
1 tsk kryddsmjör með hvítlauksbragði

Takið brauðsneið og setjið í brauðristina í nokkrar sekúndur. Smyrjið síðan brauðið með kryddsmjöri með hvítlauksbragði.
Hugmynd: Einnig er hægt að skera brauðbollur í sneiðar, rista þær og smyrja á sama hátt. Þær sneiðar eru líkari venjulegu hvítlauksbrauði (brauðlengjum sem fæst frosið út í búð). Gott með grænmetissúpunni og pottréttum.
Í skammti: ca 5 Phe

Takið brauðsneið og smyrjið  með olífuolíu. Myljið örlítið rósmarín og stráið yfir. Setjið í ofn og ristið í 5 mín.
Í skammti: ca 5 Phe

½ laukur
1 msk matarolía
1 dl próteinsnauð hrísgrjón
3 dl vatn
¼ tsk salt
¼ tsk karrý
¼ tsk oregano
1 dl ananaskurl

Saxið laukinn smátt og látið mýkjast í matarolíunni á pönnu. Bætið hrísgrjónunum út á pönnuna og látið malla þar til þau eru orðin hvít að lit. Setjið vatn, krydd og ananaskurl útá pönnuna og sjóðið í 10 mín.

Í uppskrift ca 0 mg Phe.
Í skammti ca 0 mg Phe.

Eggwhite-replacer-upplausn
25 g eggwhite-replacer
3 dl sjóðandi vatn
3 dl kalt vatn

Pískið saman eggjahvítuduftið og sjóðandi vatnið þar til það þykknar. Hrærið með pískara annað slagið á meðan deigið kólnar. Blandið köldu vatninu útí og geymið í lokaðri skál í ísskáp. Þetta má geyma í nokkrar vikur. Notið í marens.

Í uppskrift: ca 0 Phe
Í 1/8 af kökunni: ca 0 Phe

3 msk jarðarberjasulta (eða önnur góð sulta) (prótein <1g/100g)
Flórsykur

Blandið próteinsnauðu hveiti, sykri, smjörlíki, lyftidufti og egg-replacer saman þar til deigið líkist fíngerðum brauðmolum. Blandið þá helmingnum af vökvanum samanvið ásamt vanilludropunum. Bætið síðan því sem eftir er af vökvanum samanvið og hrærið þar til áferðin er kremuð og mjúk. Setjið í tvö hringlaga form eða í smörpappír í ofnskúffu. Bakið við 180°C í 15 mín þar til botnannir eru gullnir.

Setjið jarðarberjasultu á milli þegar botnarnir eru orðnir kaldir (eða skerið ofnskúffubotninn í tvennt og hvolfið öðrum helmingnum yfir hinn). Bætið ávaxtasalati tráið flórsykri yfir til punts.

Í uppskrift: ca 30 Phe
Í 1/8 af kökunni: ca 5 Phe

Hugmynd: Það er vel hægt að gera fjórfalda randalínu úr þessari uppskrift.
Einnig er hægt að bæta ávaxtasalati á kökuna, ofaná sultuna. Til dæmis úr jarðarberjum og öðrum berjum ásamt perum.

Í uppskrift: ca 25 Phe
Í 1/8 af kökunni: ca 3 Phe

Hugmynd: Berið fram með sultu og próteinsnauðum rjóma. Einnig er hægt að bæta á annan botninn margengs (sjá bls 12) og bera fram með ávöxtum og rjóma á milli.

Kaka:
125 g smjörlíki
125 g sykur
20 g egg-replacer

200 g próteinsnautt hveiti
1 1/2 tsk lyftiduft
20 g kakómalt (O´boy eða Nesquick) (50)
1 tsk neskaffiduft
1/4 tsk salt
1 tsk vanilludropar
1 dl vatn
1/2 dl PKU-drink (Loprofin) (6)

Súkkulaðikrem
175 g flórsykur
1 tsk egg-replacer
10g kakómalt (nesquick) (25)
1/2 msk PKU-drink (Loprofin)
1/4 tsk Kötlu rommdropar (1/2 tsk ef notaðir eru Rayner´s dropar)
1 msk svart kaffi
1/2 tsk vanilludropar
15g bráðið smjörlíki

Lint smjörlíki og sykur er þeytt vel saman. Síðan er eggjalíki bætt útí. Bætið síðan öðrum hráefnum og vökva útí til skiptis og hrærið á milli. Setjið í hálfa ofnsúffu eða tvö hringlótt tertumót. Bakið við 200°C í 20 – 25 mín.

Hrærið saman öllu sem á að fara í kremið saman þannig að það blandist vel. Setjið kremið ofaná súkkulaðikökuna

Í uppskrift: ca 70 Phe
Í 1/8 af tveggja botna köku: ca 10 Phe

Kaka:
225 g próteinsnautt hveiti
110 g smjörlíki
110 g sykur
1 tsk lyftiduft
2 tsk egg-replacer
150 ml vatn
1 tsk vanilludropar
nokkrir dropar rauður matarlitur

Krem:
200 g flórsykur
2 – 3 msk appelsínusafi

Kökuskraut úr marglitum sykri

Hrærið öllu saman sem á að fara í kökuna í hrærivél þar til allt hefur blandast vel. Ekki hræra of lengi því þá verður kakan seig. Setjið deigið í hringlaga form og bakið við 180°C í 20 – 25 mínútur. Blandið saman flórsykri og appelsínusafa. (Hægt er að nota meira af safa, allt eftir því hvað kremið á að vera þunnt eða þykkt). Setjið kremið á kökuna og skreytið hana með kökuskrauti.

Í uppskrift: ca 0 Phe
Í 1/8 af köku: ca 0 Phe

150 g próteinsnautt hveiti
½ dl sykur
1 tsk. lyftiduft
1 ¼ tsk kanill
1 ¼ tsk engifer
¼ tsk negull
50 g smjörlíki
½ dl síróp
1 dl PKU Drink (Loprofin) (12)

Blandið saman próteinsnauðu hveiti, sykri, lyftidufti, kanil, engifer og negul og vætið með smjörlíki, sírópi og PKU drink.  Hrærið rösklega saman í hrærivél. Setjið deigið í jólakökuform og bakið við 200°C í 20 – 25 mín. Látið kólna í forminu.

Í uppskrift: ca 10 Phe
Í sneið: ca ?? Phe

2 tsk egg-replacer
2 msk vatn
4 dl sykur

100 g lint smjörlíki (próteinsnautt (hefðbundið))
3 dl próteinsnautt hveiti
2 tsk lyftiduft
3 stappaðir bananar (300g)

100 g smjörlíki (próteinsnautt (hefðbundið))
70 g flórsykur
3 marðir bananar

Hrærið saman eggjalíki og vatn bætið sykrinum útí og þeytið saman. Setjið smjörlíki, hveiti, lyftiduft og stappaða banana útí og hrærið saman. Sett í smurt tertumót og bakið í  30 – 40 mín við 200 °C eða eins og með þarf.

Hrærið saman smjörlíki, flórsykur og banana og geymið inn í kæli þar til kakan er alveg köld. Setjið þá kremið ofaná kökuna.

Í uppskrift: ca 0 Phe
Í 1/8 af köku: ca 0 Phe

Hugmynd: Berið fram með próteinsnauðum rjóma.

0,6 dl matarolía
50 g púðursykur
90g rifnar gulrætur
140g ananaskurl með safa
170g próteinsnautt hveiti
2  tsk lyftiduft
¼ tsk salt
1 ½ tsk kanill

Þeytið saman olíu og púðursykur. Blandið saman við rifnum gulrótum og ananas. Setjið allt annað útí og þeytið deigið í 2 mínútur. Sett í smurt bökunarform og bakað við 200°C í um það bil 20 mínútur.

Í uppskrift: ca 0 Phe
Í 1/8 af köku: ca 0 Phe

Hugmynd: þetta er líka gott sem muffins og þá passar að setja degið í 12 form. Það er hægt að setja smjörkrem eða glassúr á kökuna.

Kanilkaka
Fyrir 12
Frá Hildi á Höfn

125 gr smjörlíki eða smjör
100 gr púðursykur
3 tsk egg replacer
125 gr próteinsnautt hveiti
1 tsk lyftiduft
1 tsk kanill
175 ml PKU Drink (Loprofin) (20)

3 msk aldinmauk ( t.d. rabarbarasulta) (<1g prótein/100g)

Hrærið smjörlíki og púðursykur ljóst og létt. Bætið í þurrefnum og mjólk smámsaman til skiptis. Setjið helminginn af  deiginu í hringlótt smurt form. Setjið aldinmaukið þar ofaná og að síðustu afganginn af deiginu. Bakið neðst í ofni við 180°C í  20 mín eða þar til kakan er fullbökuð.

Í uppskrift: ca 20 Phe
Í 1/8 af köku: ca 2 Phe

Hugmynd: Þetta deig má lika baka í muffinsformum. Setjið þá deigið þannig að það fylli 2/3 mótsins og setjið hálfa teskeið af sultu ofaná í miðju hvers forms. Bakið neðst í ofni við 180 °C í  10 mín eða þar til muffinsin eru bökuð

110g sykur
110g smjörlíki
150g próteinsnautt hveiti
1 ½ tsk lyftiduft
3 tsk egg replacer
2 dl PKU Drink (Loprofin) (25)

2 epli
2 msk sykur
1 tsk kanill

Hrærið saman smjörlíki og sykur þar til það er ljóst og létt. Blandið þurrefnunum saman við smám saman ásamt pku drykknum. Þeytið allt í 2 mínútur. Setjið í smurt bökunarform. Afhýðið eplið og skerið í sneiðar. Raðið sneiðunum á kökuna og stráið kanelsykrinum yfir. Bakið við 190 gráður í 20 mínútur.

Í uppskrift: ca 25 Phe
Í 1/8 af köku: ca 5 Phe

Kókoskaka
Frá Soffíu Þorfinnsdóttur

Kökubotn:
150 g próteinsnautt hveiti
1 tsk lyftiduft
1 dl kalt vatn
100 g sykur
1 ½ tsk egg replacer + 2 msk vatn (blandað saman)

3 msk góð sulta (<1g prótein/100g)

Kókoskrem:
1 msk smjörlíki (próteinsnautt (hefðbundið))
40 g sykur
1 tsk egg replacer + 1 msk vatn
50 g kókósmjöl (175)
1 tsk vanilludropar

Blandið öllu sem á að fara í kökubotinn vel saman. Setjið deigið í smurt kringlótt form og bakið við 200 gráður í um það bil 20 mínútur eða þar til kakan er næstum bökuð. Setjið allt sem á að fara í kókoskremið í pott hitið á lágum/háum? hita. Dreifið sultunni yfir botninn og svo kókoskreminu. Setjið kökuna aftur inn í ofninn og bakið þar til hún er fullbökuð og brúnuð að ofan.

Í uppskrift: ca 175 Phe
Í 1/8 af köku: ca 20 Phe

Hugmynd: Hægt er að gera tvöfalda uppskrift og baka í ofnskúffu.

1 dl próteinsnauð hrísgrjón
3 1/2 dl vatn
¼ tsk salt

1/2 poki frosin kínablanda (250g) (Wok Chineese Findus, 1,5g prótein) (125)
150 g gulrætur, sneiddar í strimla
¼ tsk hvítlaukssalt
½ tsk steinselja
2 msk matarolía

1/2 krukka Uncle Bens súrsæt sósa (175g) (44)

Látið suðuna koma upp á vatninu og sjóðið hrísgrjónin í 8 mínútur. Hitið matarolíuna á pönnu (wokpönnu ef hún er til) og steikið grænmetið ásamt gulrótum við miðhita í 5 mínútur og kryddið. Hellið síðan súrsætu sósunni yfir og hitið áfram í smá stund. Berið fram með soðnum hrísgrjónum eða blandið saman hrísgrjónum og sósu.

Í uppskrift: ca 170 Phe
Í skammti: ca 85 Phe

Hugmynd: Berið fram með góðu salati

4 dl vatn
2 dl próteinskert hrísgrjón
3 dl gulrót, í sneiðum
2 dl græn paprika, í bitum
1 msk olía
smá salt
2 tsk sojasósa (t.d. unnin úr grænmeti = lítið af próteinum 3g/100) (15)

Látið suðuna koma upp á vatninu, látið hrísgrónin útí og sjóðið í 8 mínútur. Setjið olíu, salt, soja sósu, gulrót og papriku í skál og setjið inn í örbylgjuofn á háan hita í 3 mínútur. Hrærið og setjið inn í örbylgjuofninn að nýju í 2 mínútur. Blandið hrísgrjónum útí og bætið við 2 mínútum í viðbót í ofninum.

Í uppskrift: 15 Phe
Í skammti: <5 Phe

2 dl próteinsnauð hrísgrjón
6 dl vatn
1/2 tsk salt

2 stk gulur laukur
1 geiri hvítlaukur
1 tsk chiliduft
½ tsk paprikuduft
1 msk olía
5 stk gulrætur, gróft rifnar
1 dós niðursoðnir tómatar, 400 g
1 dl maísbaunir, 75g  (100)
1/2 tsk salt
1/2 dl vatn
2 stk rauð paprika
pipar

Látið suðuna koma upp á vatninu og sjóðið hrísgrjónin í 8 mínútur. Afhýðið og skerið laukinn smátt. Hitið olíu á pönnu og steikið lauk og pressið hvítlaukinn yfir ásamt chiliduftinu og paprikuduftinu. Blandið gulrótum, niðursoðnum tómötum, baunum, salti og vatni útí. Látið sjóða í nokkrar mínútur. Skerið paprikuna í bita og setjið útí og látið réttinn sjóða í aðrar 5 mínútur. Smakkið til með pipar. Bætið hrísgrjónum annaðhvort útí réttinn eða berið fram með.

Í uppskrift: ca 100 Phe
Í skammti: ca 25 Phe

3/4 dl próteinsnauð hrísgrjón
2,5 dl vatn
¼ tsk salt

¼ laukur
¼  rauð paprika
4 sveppir
50g biti af zucchini
2 msk matarolía

¼ tsk salt
¼ tsk paprikuduft
¼ tsk hvítlauksduft
pipar á hnífsoddi
Látið suðuna koma upp á vatninu og sjóðið hrísgrjónin í 8 mínútur. Skerið lauk og papriku í litla bita og sneiðið sveppina og zucchini. Hitið matarolíuna á pönnu og steikið allt grænmetið í 3 mínútur. Kryddið grænmetið á pönnunni og blandið soðnum hrísgrjónunum saman við grænmetið eða berið fram með réttinum.
Í uppskrift: ca 0 Phe
Í skammti: ca 0 Phe
Berið fram með góðu salati.

6 dl vatn
1 tsk salt
2 msk matarolía
6 dl próteinsnautt cous cous

6 stk tómatar, skornir í teninga
1 dl blaðlaukur, fínsaxaður
safi úr 1 stk sítrónu
2 msk ólífuolía
fersk mynta, söxuð
fersk steinselja
svartur pipar

Setjið vatn, salt og matarolíu í pott og látið suðuna koma upp. Blandið cous cous grjónunum útí og látið standa í 10 mínútur.  Blandið tómötum, blaðlauk, sítrónusafa, ólófuolíu og saxaðri myntu útí og blandið saman. Stráið yfir ferskri steinselju og pipar.

Í uppskrift:  ca 0 Phe
Í skammti: ca 0 Phe

Þetta er gott salat með til dæmis grænmetisborgurum

4 dl vatn
2 dl próteinskert hrísgrjón
1 msk olía

2 dl gulur laukur, saxaður
1/2 græn paprika, söxuð
1 hvítlauksgeiri 
1 tsk hvítlauksduft
1/4 tsk paprikuduft
1/2 tsk chiliduft
2 tsk tómatsósa
1 dl tómatar, saxaðir  (gefa upp fjölda í g líka)
2 tsk limesafi
Látið suðuna koma upp á vatninu áður en hrísgrónin eru sett útí og sjóðið þau 8 mín. Hitið olíu á pönnu og steikið laukinn, paprikuna og hvítlaukinn og kryddið. Bætið lime safanum útí í lokin ásamt hrísgrjónunum, tómötum og tómatsósu og hrærið saman.
Í uppskrift: ca 0 Phe
Í skammti: ca 0 Phe
Berið fram með góðu salati.

7 stk

160g kaldar kartöflur sem hafa verið soðnar án hýðisins (160)
30g tómatsósa
Ca. 35g próteinsnautt hveiti
salt, pipar eða önnur kryddblanda

Rífið kartöflurnar á grófu rifjárni. EKKI hræra í þeim eftir að hafa rifið þær niður. Bætið tómatsósunni, mjölinu, salti og pipar útí ásamt öðrum kryddum ef óskað er. Hrærið varlega saman svo deigið verði ekki seigt. Rúllið deigið upp í pylsur á mjölaðri borðplötu. Látið hverja pylsu vega 30-35g. Steikið pylsurnar í smjörinu á meðal heitri pönnu þar til yfirborðið er gyllt. Berið pylsurnar fram eða kælið og frystið.
Í uppskrift: ca 160 Phe
Í pylsunni: ca 25 Phe

10 stk

190 gr próteinskert brauð
60 gr  gulrætur
125 gr kartöflur (125)
1 tsk hvítlauksduft
1 tsk salt
1 tsk edik
¼ tsk paprikuduft
¼ bolli tómatsósa (50g)
1 msk egg replacer (Loprofin)
3 dropar rauður matarlitur
3 dropar grænn matarlitur

(magn?) próteinsnautt hveiti
2 msk matarolía

Sjóðið kartöflur og gulrætur í potti, látið vatnið renna af og maukið. Skerið brauðið í strimla eða teninga og setjið í skál. Blandið öðrum hráefnum saman við og myljið saman í höndunum í nokkurn tíma. Setjið svo saman við smá og smá af próteinsnauðu hveiti þar til að deigið festist ekki við hendurnar eða hægt að móta kúlur.
Vigtið deigið og deilið því í 10 jafnstóra hluta. Rúllið hvern bita í pylsuform og steikjið á pönnu við vægan hita til að húða hverja hlið pylsunnar. Pylsurnar má svo frysta.

Í uppskrift: ca 125 mg Phe
Í pylsu: ca 15 mg Phe

Hugmynd:  Borið fram eins og venjulegar pylsur í pylsubrauði (sjá uppskrift bls) með tómatsósu, steiktum lauk og sinnepi eða með próteinskertri kartöflustöppu

150 g soðnar kartöflur (150)
75 g soðin gulrót
75 g soðin sellerírót

1 ½ msk. próteinskert hveiti
2 msk rjómi
3 msk próteinskert brauðrasp (t.d. aprotein-bruður (frá hvaða fyrirtæku?))
2 msk olía
1/3 tsk salt
pipar eftir smekk
1 tsk basilika.

1 msk olía

Sneiðið grænmeti og sjóðið í potti. Látið vatnið renna af grænmetinu og bætið síðan öðrum hráefnum samanvið. Mixið saman í deig. Mótið buff  eða bollur og steikið á pönnu.

Í uppskrift: ca 150 Phe
Í buffi: ca 25 Phe

Hugmynd: borið fram með soðnum próteinskertum hrísgrjónum sósu og góðu salati

5 dl vatn
¼ tsk salt
1 poki gott frosið grænmeti í pokum (500g) (prótein < 1,2g í 100g) (200)
1 tsk aromat
½ tsk hvítlauksduft
½ tsk grænmetiskrydd frá Knorr
½ – 1 dl próteinskert hveiti
2 msk olía

Sósa:
soðið af grænmetinu
½ grænmetisteningur (4g) (20 mg Phe)
1 dl kalt vatn
2 msk próteinskert hveiti
½ tsk karrý

Látið suðuna koma upp á vatninu og setjið saltið og grænmetisblönduna út í. Slökkvið á hellunni og látið grænmetið bíða í pottinum um stund. Geymið soðið. Stappið grænmetið eða setjið í matvinnsluvél og maukið. Blandið kryddi og hveiti saman við og búið til deig. Mótið litlar bollur úr deiginu með matskeið og steikið á pönnu þar til þær hafa tekið lit. Látið suðuna koma upp á grænmetissoðinu og setjið hálfan grænmetistening út í.  Hristið saman vatn, hveiti og karrý og hellið hveitijafningnum út í soðið í mjórri bunu. Látið sjóða við vægan hita í 5 mín.

Í uppskrift: 220
Í skammti: ca 40 Phe

Hugmynd: Berið fram með próteinskertum hrísgrjónum og góðu salati

150g soðnar kartöflur (150)
200g niðursoðnar rauðrófur
¼ tsk salt
30g laukur, saxaður smátt
3 msk próteinsnautt hveiti
¼  tsk hvítlauksduft
salt

olía til að steikja

Saxið niður soðnar kartöflur og rauðrófur. Blandið öllum hráefnunum saman í skál og hrærið saman í deig. Smakkið til með salti. Hitið olíu á pönnu og steikið þunn buff.

Í uppskrift: ca 150 Phe
Í buffi: ca 20 Phe

Hamborgaramáltíð

1 hamborgarabrauð (samkvæmt uppskrift á bls XX ( bolludagsbollur)) (ath Phe)
1 rauðrófubuff, samkvæmt uppskrift hér að ofan (20)

½ dl jöklasalat, smátt saxað
1 msk hrár laukur, smátt saxaður
1 sneið tómatur
1 msk Ajvar relish (Prótein???)
1 msk tómatsósa

Hitið bolluna. Blandið saman tómatsósu og Ajvar relish. Setjið sósuna á brauðið ásamt kálinu, buffinu og öðru grænmeti.

Í skammti: ca 20 + ?? Phe

Berið fram með hrásalati ásamt frönskum kartöflum (40g=50 Phe) og tómatsósu ef vill.

Ajvar relish fæst í heilsuvöruverslunum

40 g laukur
30 g gulrætur
40 g sellerírót eða rófa
60 g kartöflur (60)
2 cm blaðlaukur
30 g epli
50 g sveppir
15 g rapsolía
5 g karrý
vatn
2 g grænmetiskraftur (1/4 lítill ten) (prótein ca 11g/100g t.d. Knorr)  (10)
20 g rjómi (25)
½ tsk maízenamjöl (maissterkja prótein í 100g = 0.3)
salt og pipar

Saxið gróft lauk, gulrót, sellerírót og kartöflu. Blaðlaukur er skorinn í sneiðar og sveppir í fjóra hluta. Epli skorið í teninga.
Setjið olíu í pott og karrý útí og látið brúnast aðeins. Setjið þá lauk, gulrót og steinseljurót útí og látið steikjast aðeins í um það bil 2 mínútur. Setjið kartöflur, epli og blaðlauk útí og látið steikjast í um það bil 3 mínútur í viðbót. Bætið vatni í pottinn þannig að það nái yfir grænmetið í pottinum og bætið grænmetiskrafti og bætið rjóma útí. Soðið í 10 mínútur við vægan hita. Blandið saman maizenamjöli og vatni og þykkið sósuna. Smakkið til með salti og pipar og ef til vill karrýi.

Í uppskrift: ca 95 mg Phe
Í skammti: ca 95 mg Phe

Berið fram með próteinsnauðum hrísgrjónum og góðu salati.

3 dl vatn
½ tsk salt
125 g blómkál
2 cm blaðlaukur
15 g rauðlaukur
50 g kúrbítur
1/2 tómatur
2 g grænmetiskraftur (1/4 lítill ten) (prótein ca 11g/100g t.d. Knorr) (10)
3/4 dl vatn
¼ tsk sinnep
1 tsk hvítvínsedik
1 tsk hunang
½ tsk karrý
½ tsk maizenamjöl (maissterkja prótein í 100g = 0.3)
1 msk vatn

Setjið vatn og salt í pott og látið suðuna koma upp. Setjið blómkálið útí og sjóðið í 3 mín.
Skerið blaðlauk og rauðlauk gróft og kúrbít og tómat í sneiðar. Blandið saman grænmetiskrafti, vatni, sinnepi, ediki, hunangi og karry í pott og setjið grænmetið útí og sjóðið í 5 mínútur. Setjið meira vatn ef þarf. Blandið saman maisenamjöli og vatni og setjið það útí og hrærið vel meðan sósan þykknar. Blómkálið sett á disk og sósunni helt yfir.

Í uppskrift: ca 10 mg Phe
Í skammti: ca 10 mg Phe

Berið fram með próteinsnauðum hrísgrjónum eða brauði.

40g olía
1 stk laukur (90g)
300g kúrbítur
400g tómatar (hér má líka nota niðursoðna tómata, <1g prótein/100g)
1 stk græn paprika (120g)
1 stk rauð paprika (120g)
1 geiri hvítlaukur
½ tsk salt

Skerið laukinn og kúrbítinn  í sneiðar, paprikuna í geira og tómatana í teninga. Hitið olíuna i potti og stekið laukinn í olíunni og blandið úti kúrbít, papriki og tómat. Smakkið til með hvítlauk og salti og látið sjóða við vægan hita  í 20 mínútur og smakkið til aftur áður en borið er fram.

Í uppskrift: ca 0 mg Phe
Í skammti: ca 0 mg Phe

Borið fram með próteinskertum hrísgrjónum, -cous cous eða -brauði

Hugmynd: Hér getur verið gott að gera stóra uppskrift og frysta inn í skömmtum. Gaman er að skipta út grænmeti og nota það sem er best á hverjum tíma árs.

4 pönnukökur sjá tortilla uppskrift (10)

Fylling
1 tsk olía
1/2 laukur, fínt saxaður
1 stór gulrót, afhýdd og smátt söxuð
2 stór kínakálslauf, söxuð í ræmur (40g)
1 msk baunaspírur (10g) (30)
1/2 tsk söxuð steinselja
salt og pipar eftir smekk

olía til að pensla

Hitið olíu á pönnu og steikið lauk, bætið útí gulrót, kínakáli, braunaspírum og kryddi. Látið malla í 2 – 3 mínútur og látið kólna aðeins. Fyllið pönnukökurnar, rúllið þeim upp og setjið á ofnplötu. Penslið með olíu og steikið við  200°C í 20 mín eða þar til pönnukökurnar eru stökkar.

Í uppskrift: ca 30 Phe
Í pönnuköku: ca 10

Berið fram með góðu salati

Indverskur eggaldinréttur
Fyrir ?

? pönnukökur sjá uppskrift XX (Phe ?)

1 eggaldin (250g) (115)
1 tsk matarolía
1 tsk svört sinnepsfræ
1 tsk cumin fræ
50g rauðlaukur, saxaður
1 grænn chili, fræhreinsaður og smátt saxaður (20g) (12)
2 cm ferskt engifer, smátt saxað (3g) (1)
40g  tómatur, saxaður
¼ tsk garam masala kryddblanda
¼ tsk turmerik
½ tsk salt
ferskt koríander

Stingið gat á eggaldin á nokkrum stöðum og setjið á ofnplötu inn í ofn sem er stilltur á grill. Grillið þar til eggaldinið er mjúkt viðkomu. Takið þá af grillinu og látið kólna. Skerið eggaldinið þá í tvennt og takið kjötið innanúr með skeið. Skerið grænmetið og takið til allt sem á að fara í réttinn. Hitið olíu á pönnu og setjið sinnepsfræin og cumin fræ á pönnuna og ristið. Bætið þá lauk útí og steikið þar til hann er aðeins farinn að taka lit. Bætið útí chili og engifer og hrærið vel saman. Setjið tómata útí ásamt turmerik, garam masala og eggaldinkjötinu og salti. Bætið vatni útí ef þetta verður of þurrt. Stráið fersku koríander yfir og berið fram með tortillakökunum.

Í uppskrift: ca 130 + kökur mg Phe
Í skammti: ca ?? + kaka mg Phe

1 dós niðursoðnir tómatar (ca 400g) (<1g prótein/100g)
1/2 poki frosin kínablanda (250g) (Wok Chineese Findus, 1,5g prótein/100g) (125) (eða önnur frosin grænmetisblanda án bauna)
100g frosið blómkál
50g frosnar gulrætur
1 msk tómatpúré
2 msk olía
1 tsk sinnep
Salt og pipar,
Timjan
Basilikum

Í uppskrift: ca 125 Phe
Í skammti:ca 30 Phe

Setjið allt saman í pott og sjóðið í 10 mín. Kryddið eftir smekk.

Hugmynd: Gott með ristuðu brauði eða soðnum hrísgrjónum.

80 g sveppir
80 g gulrót
2 msk olía
120 g sellerístilkar
100 g kínakál
2 dl vatn
¼ lítill ten (2g) grænmetiskraftur (prótein ca 11g/100g t.d. Knorr) (10) (eða vatn og grænmeti soðið saman til að búa til kraft)
1 dl ananassafi
2 msk vatn
1 msk maizenamjöl (maissterkja prótein í 100g = 0.3)
60 g græn paprika
60 g rauð paprika
160 g agúrka
¼ tsk engiferduft
¼ tsk salt
1 tsk sojasósa (<2,5g prótein/100g) (10)
2 ananashringir

Skerið grænmetið í skífur eða strimla. Hitið olíu á pönnu og steikið sveppi og gulrót í olíunni. Blandið selleríistilkum og kínakáli útí og látið malla smá stund. Blandið útí vatni og grænmetiskrafti ásamt ananassafa. Látið krauma í nokkrar mínútur þar til grænmetið er “soðið” . Hrærið maisenamjöl með örlitlu vatni og jafnið réttinn með maisena.
Gúrku og papriku er blandað út í og látið krauma í 1 – 2 mínútur. Kryddið með engifer, salti og sojasósu og blandið að lokum ananasinum útí.

Í uppskrift: ca 20 Phe
Í skammti: ca 5 Phe

Hugmynd: Gott með próteinskertu pasta, -hrísgrjónum eða -ristuðu brauði

3 hvítlauksrif
1 rauðlaukur
1 rautt chili
4 gulrætur sneiddar frekar þunnt
1/2 hvítkál skorið í strimla
100g ferskt spergilkál skorið niður (165)
1 rauð paprika í strimlum
3 msk olía
2 tsk soyasósa (<2,5g prótein/100g) (20)
4 msk ostrusósa  (3,4g/100g) (104)
1 msk púðursykur

Skerið niður grænmetið, fræhreynsið chili og skerið smátt. Hitið wokpönnu og hellið olíu á pönnuna. Setjið hvítlauk og rauðlauk og steikið létt í olíunni. Bætið öðru grænmeti útí.  Steikið smástund milli tegunda og á meðan verið er að steikja grænmetið eru soyasósan og ostrusósan settar smátt og smátt út í. Steikt áfram í 10 mín eða þar til hvítkálið er mjúkt en ekki of steikt.

Í uppskrift: ca 290 Phe
Í skammti: ca 70 Phe

Hugmynd: Hægt er að nota hvaða grænmeti sem er í stað þess sem er í uppskriftinni.  Berið fram með soðnum próteinskertum hrísgrjónum, -cous cous eða -brauði.

600g blómkál (ca 1 blómkálshaus)
2 stk kartöflur  (160g) (160)
1 dl vatn
1 stk gulur laukur
2 tómatar
½ tsk rautt chilli
½ tsk gurkmeja
1 tsk paprikuduft
½  tsk salt
½ dl matarolía
2 msk ferskt koríander

Skerið blómkálshausinn í jafnstóra bita. Afhýðið kartöflur og skerið þær í jafnstóra bita sem eru þó minni en blómkálsbitarnir. Afhýðið og saxið laukinn og skerið tómatana í teninga. Sjóðið kartöflur og blómkál í vatninu ásamt kryddi, lauk og tómat þangað til grænmetið er næstum soðið. Hellið þá vatninu af. Setjið olíuna á pönnu og steikið grænmetið á pönnunni þar til það er mjúkt. Stráið fersku koríander yfir áður en borið er fram.

Í uppskrift: ca 160 Phe
Í skammti: ca 40 Phe

Berið fram með próteinskertum hrísgrjónum

2 msk matarolía
225 g laukur, sneiddur
110 g  sveppir, saxaðir
4 gulrætur, í þunnum sneiðum

Sósa
75 g próteinsnautt hveiti
50 g smjör
500 ml vatn
1 tsk sinnep

Salt
Söxuð steinselja

Pajbotn:
225 g próteinsnautt hveiti
110 g smjörlíki
90 ml vatn

Setjið olíuna á pönnu og steikið laukinn í eina mínútu, bætið sveppunum útí og steikið saman. Bætið síðan gulrótunum útí. Allt sem á að fara í sósuna er sett í pott og hrært í á meðan þykknar. Bragðið þá til með örlitlu salti og saxaðri steinselju og bætið að síðustu steikta grænmetinu útí. Hnoðið saman öllum hráefnum í pajbotninn. Formið síðan annað hvort eitt stórt pæ eða setjið í fjögur minni form. Setjið fyllinguna í skálina eða skálarnar og bakið í 30–35 mínútur við 200°C

Í uppskrift: ca 0 mg Phe
Í skammti: ca 0 mg Phe

1 banani
1 mango
100g jarðarber
1 epli
50 g Duobar (SHS)

Skerið ávexti og ber í litla bita og leggið í eldfast mót. Rífið súkkulaðið yfir ávextina. Gratinerið í ofni þar til súkkulaðið hefur bráðnað.

Í uppskrift: ca 0 mg Phe
Í skammti: ca 0 mg Phe

Hugmynd: Hér má skipta út ávöxtum að vild.

2½  dl hunangsmelóna 
2½  dl perur 
2½  dl epli 
2½  dl bláber 
1¼  dl appelsínusafi, hreinn 
2  tsk fersk mynta, söxuð 
2  tsk sítrónusafi, hreinn 
2  tsk hunang  

Setjið appelsínusafa, sítrónusafa, hunang og myntu í matvinnsluvél og blandið.
Skerið melónu, perur og epli í teninga. Blandið saman melónu, perum, eplum og bláberjum í stóra skál. Hellið dressingunni yfir og blandið varlega saman við. Kælið í kæliskáp fram að því að salatið er borið fram.

Í uppskrift: ca 0 mg Phe
Í skammti: ca 0 mg Phe

Lagprotein Mix 500 gr(9pk/kassa)
All purpose mix (brauð og kökumix) 500 gr
Kökumix 2x 250 gr
Súkkulaðikökumix 2x 250 gr

Morgunkorn 375 gr

Ískex m/appelsínubragði 100 gr
Ískex m/súkkulaðibragði 100 gr
Ískex m/vanillubragði 100 gr
Kanilkökur 100 gr
Súkkulaðibita-kökur 100 gr
Súkkulaðikex 125 gr
Sætt kex 150 gr
Tekex 150 gr

Pasta, makkarónur 500 gr
Pasta, gormlaga 500 gr
Pasta, spagettí 500 gr
Pasta, stutt spagettí 250 gr
Lasagna 200 gr
Cous cous 500 gr

Hrísgrjón 500 gr

Súkkulaði Duobar jarðaber 8x 45 gr
Súkkulaði Duobar naturel 8x 45 gr

Ostur Cheddar 900 gr
Ostur Mozzarella 900 gr

Analog LCP
Maxamaid orange
Maxamaid án bragðefna
Maxamum án bragðefna
Maxamum orange
PK AID 4
Aminogran
Phlexy 10
Phlexy bar
Phlexy töflur
Phlexy capsules

Í verslunum Bónus hefur verið til próteinsnauður ostur sem heitir Whitehall Specialities. Um er að ræða tvær tegundir; Sviss flavor og original, og eru 16 sneiðar í pakkanum. Í einni sneið sem er 19 grömm eru 29 phen. Hægt er að lesa meira um þennan ost á www.pkunews.org undir Diet related informations-low protein cheeses. Þetta fyrirtæki Whitehall Specialities er í USA og framleiðir líka EnerG ostinn sem fæst í Lyfju Lágmúla.

Frá Erlu

1 líter Menkomel rjómi (fæst í m.a. í Hagkaup) (0.7g prótein/100g) (350 Phe)
1 stór poki bismark brjóstsykur (160g?)
1 poki dökkur súkkulaðispænir (frá Mónu) (150g) (330)

Hakkið brjóstsykurinn í matvinnsluvél þar til hann er nánast orðin að dufti. Þeytið Menkomel rjómann. Hrærið öllu saman og setjið í box. Eitt stórt box eða mörg lítil eftir hvað hentar. Frystið í að minnsta kosti sólarhring áður en bera á ísinn fram.

Í uppskrift: ca 680 mg Phe
Í skammti: ca 70 mg Phe

Hugmynd: Góður með HERSHEY’S Genuine Chocolate Flavored Lite Syrup þ.e. Hersey´s súkkulaðisíróp (100g = ca 35 mg Phe)

Fyrir 6
100 g próteinsnautt hveiti
100 g sykur
100 g smjörlíki
300 g epli
250 g jarðarber
kanelsykur

Blandið saman hveiti og sykri í skál og myljið smjörlíkið vel saman við með fingurgómunum. Flysjið eplin og skerið kjarnana úr og sneiðið í þunna báta. Raðið eplabátunum í smurt eldfast mót og stráið kanelsykri yfir. Raðið síðan jarðarberjunum yfir eplin og dreifið því næst deiginu yfir alltsaman. Bakið við 200°C í u.þ.b. 25 mín eða þar til kakan hefur fengið fallegan lit .

ATH. Sá sem á þessa uppskrift ath þetta með hvar jarðarberin (eða önnur ber) koma inn í uppskriftina? Rétt svona?)

Hugmynd: Það er hægt er að skipta út jarðarberjum og eplum fyrir aðrar tegundir berja eða ávaxta. Til dæmis: plómur, bláber, rifsber, rabbarabara, brómber og perur. Um að gera að prófa sig áfram og finna það sem hverjum og einum finnst best.

Í uppskrift: ca 0 mg Phe

Í skammti: ca 0 mg Phe

Fyrir 5

1 ½ dl ólífuolía
¾ dl sítrónusaft
¾ dl appelsínusafi
1 tsk tómatmauk
1 geiri hvítlaukur
50g blaðlaukur
½ búnt fersk basilíka

smá sjávarsalt og nýmalaður pipar

Setjið allt hráefnið í matvinnsluvél og blandið vel saman.

Í uppskrift: ca 0 mg Phe

Í skammti: ca 0 mg Phe

Fyrir 2
2 msk olía
1 tsk karrý
2 dl vatn
¼ lítill ten (2g) grænmetiskraftur (prótein ca 11g/100g) (10) (eða vatn og grænmeti soðið saman til að búa til kraft)
1 dl PKU Drink (Loprofin) (26)
¼ tsk paprikuduft
2 msk maizenamjöl (maissterkja, prótein í 100g = 0.3)
4 msk vatn

Setjið olíu í pott ásamt karrí og látið það brúnast aðeins. Setjið vatn, kraft og PKU Drink útí ásamt paprikudufti. Hrærið maizenamjöl út í vatninu og hellið útí sósuna og Sjóðið í 2 mínútur og bragðið til .

Hugmynd: Þessi sósa er góð með grænmetisbuffum.

Í uppskrift: ca 35 mg Phe

Í skammti: ca 20 mg Phe

Fyrir 4

4 msk olía
3 dl PKU Drink (Loprofin) (38)
1 dl vatn
4 tsk maizenamjöl (maissterkjm, prótein í 100g = 0.3)
4 msk vatn

Salt, pipar, paprikuduft

Blandið öllu saman í pott og látið sjóða í 2-3 mínútur. Hrærið í á meðan.

Bragðið til með salti, pipar og paprikudufti.

Í uppskrift: ca 40 mg Phe

Í skammti: ca 10 mg Phe

Hugmyndir: Bætið einhverju af eftirfarandi útí sósuna allt eftir löngun og smekk.

Piparrótarsósa: 1 tsk af piparrót útí – bragðast vel með rauðrófum og kartöflum.

Sítrónusósa: bætið ½ msk af fínt söxuðum lauk útí sósuna áður en hún er soðin. Bætið útí 1 msk af sítrónusafa og ¼ tsk estragon í lokin. Passar vel með nánast öllum grænmetisréttum svo sem grænmetisbuffum.

Tómatsósa: blandið 1 msk tómatþykkni og ½ msk fínt söxaðri steinselju útí.

Fyrir 4

4 msk olía
3 dl PKU Drink (Loprofin) (38)
1 dl vatn
4 tsk maizenamjöl (maissterkja, prótein í 100g = 0.3)
4 msk vatn
1 tsk dökk sojasósa (15)
¼ tsk paprikuduft

salt og pipar eftir smekk

Blandið öllu saman í pott og látið sjóða í 2-3 mínútur. Hrærið í á meðan.

Í uppskrift: ca 55 mg Phe

Í skammti: ca 15 mg Phe

Fyrir 4

2 hvítlauksgeirar
2 msk olía
1 1/2 dl tómatsósa
4 msk Worcestershiresósa
2 tsk karrý

Saxið hvítlaukinn smátt og steikið í olíunni. Hrærið tómatsósunni útí ásamt Worcestershiresósunni og karrýinu. Látið sjóða saman í 2 mínútur.

Í uppskrift: ca 0 mg Phe

Í skammti: ca 0 mg Phe

Það er auðveldlega hægt að sjóða nokkra skammta af súpu í einu og frysta hvern skammt í hentugu íláti. Þá er hægt að grípa einn skammt og hita í örbylgjuofni þegar það á við

?? stk

250 g próteinsnautt hveiti (Loprofin)

60 g sykur

3 tsk lyftiduft

¼ tsk hjartarsalt

¼ tsk kardimommur (duft)

40 g smjörlíki

1 ¼ dl próteinsnauð mjólk (Loprofin) (16)

feiti til steikingar (til dæmis rapsolía)

Blandið saman hveiti, sykri, lyftidufti, hjartasalti og kardimommum. Myljið smjörlíkið saman við og vætið í með próteinsnauðri mjólk Hnoðið deigið létt en ekki lengi. Fletjið út fremur þykkt. Mótið með vatnsglasi og takið með tappa úr miðjunni. Hitið feiti í potti og steikið kleinuhringina í vel heitri feitinni.

Hugmynd: Má dýfa í glassúr eða sigta flórsykur yfir til tilbreytingar.

Í uppskrift: 15 mg Phe

Í hverjum kleinuhring: ?? Phe

?? stk

Frá Stínu ömmu í Bolungarvík

3-4 stappaðar kartöflur (ca 250-300g) (275)
1 kg próteinsnautt hveiti (Loprofin) (100)
250 g sykur
4 tsk lyftiduft
2 tsk natron
150 g smjörlíki
3 tsk egg replacer (Loprofin)

3 msk vatn (við stofuhita)
2 1/2 dl mysa (50) (ath má líka nota til helminga við loprofin mjólk (41)

3 tsk kardimommudropar

feiti til steikingar (til dæmis rapsolía)

Sjóðið kartöflurnar, kælið, afhýðið og stappið. Blandið saman hveiti, smjörlíki og kartöflum og myljið saman í höndunum. Blandið útí sykri, lyftidufti og natron. Hrærið saman egg-replacer og vatni og blandið útí ásamt mysu og kardimommudropum. Ef deigið er þurrt má setja ögn meiri mysu. Steikið kleinurnar upp úr feiti eins og venjulegar kleinur.

Þessar haldast mjúkar lengi, en best er samt að frysta og taka út jafnóðum.

Í uppskrift: 325 mg Phe

Í hverri kleinu: ?? Phe

?? stk

250 g próteinsnautt hveiti (Loprofin baking mix)

50 g smjör eða olía

4 ½ tsk egg-replacer (Loprofin)

6 msk vatn

3 tsk lyftiduft

1 tsk vanilludropar

½ tsk salt

500 ml PKU Drink (Loprofin) (eða 2 fernur PKU drink og 100 ml vatn) (63)

Setjið hveitið í skál, búið til litla laut og setjið smjörið eða olíuna þar í. Blandið eggjaduftinu saman við vatnið og blandið þessu síðan útí deigið ásamt lyftidufti, vanilludropum og salti. Hellið helming af PKU Drink saman við og hrærið þar til deigið er kekkjalaust. Blandið afganginum af mjólkinni rólega saman við deigið svo það fari ekki í kekki. Bakað í vöfflujárni.

Í uppskrift: ca 65 mg Phe

Í hverri vöfflu: ?? Phe