2-3 meðalstórar soðnar kartöflur (ca 200g) (200)
100 gr smjörlíki
1 msk sykur
500 gr próteinsnautt hveiti
4-5 tsk lyftiduft
400ml mysa (80) meira ef þarf
1 tsk egg-replacer
1 msk vatn

Sjóðið kartöflur, afhýðið og stappið þær heitar með gaffli. Blandið smjörlíki og sykri saman við. Blandið saman próteinsnauðu hveiti og lyftidufti og setjið úti ásamt mysu. Blandið saman egg-replacer og vatni og hellið því úti deigið. Best er að hafa deigið sem blautast því þá verða kökurnar mýkri. Fletjið út og notið próteinskert hveiti undir deigið og á kökekeflið ef þarf. Skerið út undan diski (t.d. desert diski) eða skiptið deiginu í parta með kleinuhjóli. Það er ekki gott að hafa kökurnar mjög stórar. Stingið í (pikkið) kökurnar með gaffli eins og við soðkökurnar. Bakið við 130 gráður í ofni og látið kökurnar kólna undir hlemmi.

Í uppskrift: ca 280 Phe
Í köku: ca ?? Phe

Hugmynd: Gott með allskyns áleggi

2 ½ dl vatn
1 dl haframjöl (30g) (230)    ATH þyrfti etv aðeins að minnka. Prófa þannig.
5 ½ dl próteinsnautt hveiti
2 msk sykur
2 tsk kanill
1 tsk negull
1 ½ msk olía
1 ½ tsk þurrger (45)
1 dl rúsínur

Setjið allt í brauðvélina í ofangreindri röð og látið bakast. Eða hrærið öllu saman í skál og setjið í aflangt kökuform og bakið við 200C° í 40 min.

Í uppskrift: ca 275 Phe
Í sneið: ca ?? Phe

Hugmynd: 1 ½ tsk kardimommudropar í stað kanils og neguls

2 dl vatn 37°C
1 ½ tsk þurrger (45)
½ tsk salt
½ tsk kardimommudropar
2 msk matarolía
4-5 dl próteinsnautt hveiti
½ dl rúsínur

Leysið gerið upp í ylvolgu vatninu. Bætið salti og kardimommudropa útí og hrærið saman. Blandið síðan olíu, hveiti og rúsínum út og hnoðið í samfellt deig. Mótið úr deiginu sjö bollur og setjið eina bolluna á miðja bökunarplötu og raðið svo hinum sex í kringum hana. Látið lyfta sér í 15 mín.  Bakið við 200°C  í 15-20 mínútur.

Hugmynd: Það er einnig hægt að baka 7 bollur úr þessu deigi.
Rúsínunum má skipta út fyrir aðra þurrkaða ávexti.

Í uppskrift: 45 Phe
Í bollu: 7 Phe

Fyrir 4

500g próteinskert hveiti
2 tsk þurrger (60)
1 tsk hvítlaukssalt
1 tsk pizzakrydd frá Pottagöldrum
1 mæliskeið Husk (5g) (4)
4 dl volgt vatn
3 msk matarolía

Öllu þurrefni er blandað saman. Síðan er olíu og vökva bætt útí og degið hrært og hefað í brauðvélinni. Að því loknu er degið sett á bökunarplötu sem er klædd með smjörpappír og smurt jafnt á plötuna með spaða og etv penslað með olíu eða hvítlauksolíu yfir degið.

Bakið við 220°C í blástursofni í ca 10-15 min. Passið að botninn brenni ekki.

Í uppskrift: Ca 65 Phe
Í skammti: Ca 15 Phe

2 ½ ferna PKU Drink (Loprofin) (500g) (63)
30 g haframjöl (150)
1 ½ tsk salt
2 tsk sykur
1 tsk lyftiduft
¼ tsk natron
500 – 600 g próteinsnautt hveiti (Loprofin baking mix)

Setjið PKU Drink í pott og látið suðuna koma upp. Setjið haframjöl í skál og hellið sjóðandi PKU Drink yfir. Látið standa á meðan salti, sykri, lyftidufti og natron ásamt mestum hlutanum af próteinsnauða hveitinu er blandað saman í aðra skál. Hluti hveitisins er geymdur til að hnoða með síðar. Hellið haframjölsvökvanum útí, hnoðið saman, skiptið deiginu í XX bita og setjið þá í plastpoka. Fletjið út kringlóttar kökur og leggið þær jafnóðum í stafla með bökunapappír á milli.

Bakið kökurnar með því að leggja þær beint á heita eldavélarhellu. Setjið kökuna á helluna og pikkið með gaffli; snúið strax við og gerið það oft þar til kakan er bökuð.
Kökurnar eru settar á disk og blaut tuska höfð yfir til að kökurnar harðni ekki. Pakkið í plast og frystið þær sem ekki á að nota strax.

Í uppskrift: ca 215 mg Phe
Í hverri hringlóttri flatbrauðsköku:?? mg Phe

Hugmynd: Það er einnig hægt að sleppa haframjölinu alveg og fá enn próteinsnauðari flatkökur (65 mg Phe í uppskrift).